Respýblıka óńirlerinde «Qoljetimdi baspana-2020» baǵdarlamasy iske asyryla bastady
ASTANA. 19 shilde. QazAqparat - «Qoljetimdi baspana-2020» baǵdarlamasynyń aıasynda 2013 jyly turǵyn úı qurylystary bastalady,
dep habarlady Qurylys jáne TKSh isteri jónindegi agenttik tóraǵasynyń orynbasary Nıkolaı Tıhonıýk pm.kz saıtyna bergen suhbatynda.
«Qoljetimdi baspana-2020» baǵdarlamasy boıynsha qurylys jumystaryn 2013 jyly bastaý úshin qazir daıarlyq jumystary júrgizilýde. Keıbir óńirler aǵymdaǵy jyldyń sońyna qaraı birinshi úılerdiń qurylysyn bastamaq»,- dedi N.Tıhonıýk.
Tóraǵa orynbasarynyń aıtýynsha, óńirlerdegi ázirlik jumystary ústimizdegi aıda aıaqtalady.
«20 shildege deıin barlyq óńirler daıyndyq jumystaryn aıaqtaýlary kerek. Ár oblys óz baǵdarlamalaryn qorǵaıdy, jeke turǵyn úılerdiń qurylysyna, turǵyn úı qurylys jınaq júıesi boıynsha, Qazaqstandyq ıpotekalyq kompanııa men «Samuryq-Qazyna» kompanııasynyń jelileri arqyly salynatyn baspanalarǵa qansha jer telimin bólý qarastyrylǵanyn baıandaıdy. Olar sondaı-aq ınjenerlik jeliler, qazandyqtar, kishi stansalar jáne t.b. ınfraqurylymdar boıynsha óz jobalaryn tanystyrady»,- dep habarlady N.Tıhonıýk.
Ol sondaı-aq, ákimdikterdiń óńirlik qurylys baǵdarlamalaryn 20 qazanǵa deıin tanystyrýlary kerek ekenin basa atap kórsetti.
Esterińizge sala keteıik, «Qoljetimdi baspana-2020» baǵdarlamasyn Úkimet Elbasynyń tapsyrmasy boıynsha iske asyrýda. Baǵdarlamada 2015 jylǵa qaraı Qazaqstannyń Turǵyn úı qurylys jınaq bankiniń jelisi boıynsha turǵyn úı qurylysynyń kólemin 530 myń sharshy metrge deıin nemese jyl saıyn 6,5-ten astam páterge deıin jetkizý josparlanǵan, sonyń ishinde azamattardyń barlyq sanattary úshin 330 myń sharshy metr nemese 3,5 myń páter jáne jas otbasylar úshin 200 myń sharshy metr nemese 3 myń páter.
Baǵdarlamanyń mańyzdy baǵyty jeke turǵyn úı qurylysyn qoldaý bolyp tabylady. Baǵdarlamanyń sheńberinde 2020 jylǵa deıin jeke turǵyn úıdiń shamamen 28 mln. sharshy metrin nemese jyl saıyn shamamen 30 myń úıden iske qosý josparlanyp otyr.
