Respýblıka mektepteriniń 69 paıyzy avtomatty túrde órt sóndirý júıesimen jabdyqtalǵan

Bul týraly búgin Úkimettiń selektorlyq formattaǵy otyrysynda QR Tótenshe jaǵdaılar mınıstri Vladımır Bojko málim etti.

«Respýblıkada mektepterdiń 69 paıyzy avtomatty túrde órt sóndirý qural-jabdyǵymen jaraqtanǵan. Onyń ishinde Astana men Almaty qalalary - 100, Pavlodar oblysy - 94, Atyraý - oblysy - 74, Batys Qazaqstan oblysy- 51, Ońtústik Qazaqstan oblysy - 49 paıyz jabdyqtalǵan», - dedi ol.

Onyń atap ótýinshe, Tótenshe jaǵdaılar mınıstrliginiń tamyz aıynda elimizdiń bilim berý nysandarynyń órtke qarsy jaǵdaıyna júrgizgen tekserý jumystarynyń nátıjesinde jalpy somasy 22 mıllıon teńgege 2965 laýazymdy jáne zańdy tulǵalarǵa aıyppul salynǵan. «Mamandandyrylǵan aýdanaralyq ekonomıkalyq sottarǵa órt qaýpi sharalaryn tolyq qamtamasyz etpeı otyrǵan nysandardyń paıdalanýdy toqtatý týraly 473 aryz jóneltildi. Sotqa aryzdardyń basym bóligi Qyzylorda, Atyraý, Soltústik Qazaqstan jáne basqa da birqatar oblystarda berildi», - dedi mınıstr.

V.Bojkonyń sózine qaraǵanda, basshylar tarapynan bilim nysandaryndaǵy órtke qarsy qaýipsizdik sharalaryna jetkilikti dárejede kóńil bólinbeýi saldarynan 2011 jyldyń ótken kezeńinde respýblıka mektepterinde 24 órt oryn alǵan. Materıaldyq shyǵyn 12,5 mıllıon teńgeni quraıdy. Osy oraıda mınıstr oblys ákimderiniń nazaryn mektepterdegi órtke qarsy sharalardy qosymsha qarjylandyrýǵa qarajat bólýge aýdardy.