Respýblıka mektepterinde órtke qarsy normalar men qaǵıdalardyń 10 myńnan astam buzylýy anyqtaldy
ASTANA. 22 tamyz. QazAqparat - Respýblıka mektepterinde órtke qarsy normalar men qaǵıdalardyń 10 myńnan astam buzylýy anyqtaldy. Bul týraly búgin QR TJM Órtke qarsy qyzmet komıteti Memlekettik órt baqylaý jáne anyqtaý basqarmasynyń bas mamany Sáýle Ahmetova málim etti.
Onyń atap ótýinshe, elimizdiń Tótenshe jaǵdaılar mınıstrligi aǵymdaǵy jyly bilim berý nysandaryndaǵy órt qaýipsizdi jaı-kúıin baqylaýdy 2 kezeńmen júrgizgen. Máselen, naýryz-sáýir aılarynda Memlekettik órt baqylaý qyzmeti respýblıkadaǵy barlyq oqý oryndarynyń órtke qarsy jaı-kúıine keshendi tekserý júrgizip, onyń nátıjesinde bilim berý uıymdarynyń basshylaryna anyqtalǵan buzýshylyqtar týraly akti bergen. Alaıda shilde-tamyz aılarynda júrgizilgen tekserý nátıjesi buǵan deıin anyqtalǵan buzylýshylyqtardyń áli de joıylmaǵandyǵyn kórsetti
«Osylaısha, memlekettik órt baqylaý organdary 3759 nysannyń órtke qarsy jaı-kúıine qaıta tekserý júrgizdi. Onyń barysynda órtke qarsy normalar men qaǵıdalardyń 10 myńnan astam buzylýy anyqtaldy»,- dedi ol.
S.Ahmetovanyń aıtýynsha, osyǵan baılanysty 2007 laýazymdy tulǵa 24 mln. teńgeden astam somaǵa aıyppul túrindegi ákimshilik jaýapkershilikke tartylǵan.
