Respýblıka mektepterinde «Densaýlyq aptasy» ótedi
ASTANA. 31 tamyz. QazAqparat - QR Densaýlyq saqtaý mınıstrliginiń bastamasymen 3-8 qyrkúıek aralyǵynda respýblıkanyń barlyq mektepterinde «Densaýlyq aptasy» ótedi. Bul týraly vedomstvonyń baspasóz qyzmetinen habarlaıdy.
«Densaýlyq aptasynyń» urany: «Kúndelikti dene belsendiligi - densaýlyq pen uzaq jasaýdyń joly!».
«Densaýlyq aptasynyń» aıasynda olımpıadashylar men basqa tanymal sportshylardyń qatysýymen ótetin saltanatty sharalar, «Kúndelikti dene belsendiligi - densaýlyq pen uzaq jasaýdyń joly!» taqyrybyndaǵy dıktanttar men shyǵarmalar jazý uıymdastyrylady, dene belsendiligi, sportpen shuǵyldaný, durys tamaqtaný, qaýipsiz tártip máseleleri boıynsha áńgimelesýler, pikirtalastar, trenıngter, sporttyq estafetalar, velojarystar, ata-analar men oqýshylardyń qatysýymen «Biz - sporttyq otbasymyz» atty kóńildi starttar, baıqaýlar, vıktorınalar, salaýatty ómir salty taqyrybyna arnalǵan balalar shyǵarmashylyǵynyń kórmeleri jáne taǵy basqalary ótkiziledi.
«Densaýlyq aptasy» aktsııasy mektep oqýshylarynyń salaýatty ómir salty, deneshynyqtyrý jáne sportpen aınalysýdyń densaýlyq saqtaýdaǵy jáne ony nyǵaıtýdaǵy mańyzdylyǵy jónindegi aspektileri boıynsha aqparattandyrylýyn joǵarylatady.
