Respýblıka kúnine oraı Nıý-Iorkte Qazaqstan týy kóterildi
ASTANA. KAZINFORM — Respýblıka kúnine oraı dástúr boıynsha Manhettenniń qarjy ortalyǵynda Qazaqstan Respýblıkasynyń Memlekettik týyn kóterý rásimi ótti, dep habarlaıdy Kazinform agenttiginiń menshikti tilshisi.
Іs-shara 25 qazan kúni toılanatyn Qazaqstannyń Respýblıka kúni qarsańynda, 22 qazanda Ýoll-strıtte ótti.
Instagram-da jarııalanǵan beınejazbada Amerıkanyń iri megapolısinde turatyn qazaqtar, sondaı-aq jergilikti bılik organdary men Nıý-Iorktegi Qazaqstan Bas konsýldyǵynyń ókilderi bar.
Nıý-Iorktiń sımvoldyq máni bar oryndarynyń birinde Kók týdyń kóterilýi dostyqtyń, qurmettiń jáne Qazaqstan men AQSh arasyndaǵy dıplomatııalyq qarym-qatynastardyń nyǵaıýynyń belgisi ekeni aıtyldy.
Aıta keteıik, Respýblıka kúnine oraı Manhettenniń qarjy ortalyǵynda Qazaqstan týyn kóterý ıgi dástúrge aınalǵan.
Buǵan deıin Qazaqstan týy Brıýsseldegi Gran-Plasta alǵash ret kóterilgenin habarlaǵan edik.
