Respýblıka kúnine oraı elimizdiń barlyq óńirindegi saýda ortalyqtarynda aktsııa bolyp jatyr
ASTANA. KAZINFORM — Respýblıka kúnine oraı uıymdastyrylǵan Republic Day jáne Bereke Fest respýblıkalyq aktsııalary jalǵasyp jatyr. Elimizdiń barlyq óńirindegi saýda ortalyqtary, saýda úıleri men saýda jelilerinde azyq-túlik, kıim-keshek, aıaqkıim, turmystyq hımııa, tehnıka jáne basqa da taýarlarǵa arnaıy baǵa usynylyp otyr. Jekelegen taýarlarǵa jeńildikter 50%-ǵa deıin jetedi.
Saýda jáne ıntegratsııa mınıstrligi aktsııa aıasyndaǵy baǵalarǵa taldaý jasap, tutynýshylardyń túrli sanattaǵy taýarlardy satyp alý kezinde qansha qarajat únemdeı alatynyn eseptedi. Taldaý óńirler usynǵan aqparat negizinde daıyndaldy.
Azyq-túlik taýarlary
Astanada Bereke Fest aktsııasy aıasynda kúndelikti tutynatyn azyq-túlik taýarlaryna jeńildikter qarastyrylǵan. Máselen, kúnbaǵys maıy - 1 349 teńgeniń ornyna 889 teńgege, makaron ónimderin (400 g) - 499 teńgeniń ornyna 329 teńgege, al 30 danadan turatyn jumyrtqa qaptamasyn 2 134 teńgeniń ornyna 1 619 teńgege satyp alýǵa bolady.
Osylaısha, atalǵan úsh taýardan quralǵan azyq-túlik qorjynynyń jeńildiksiz quny 3 982 teńge bolsa, aktsııa kezinde 2 837 teńge bolady. Satyp alýshy 1 145 teńge nemese shamamen 29% únemdeı alady.
Turmystyq taýarlar
Arnaıy jeńildikter turmystyq hımııaǵa da qarastyrylǵan. Astanadaǵy saýda jelilerinde kir jýǵysh untaq (5,5 kg) 10 239 teńgeniń ornyna 5 599 teńgege, kir jýýǵa arnalǵan gel (2,145 l) 10 865 teńgeniń ornyna 7 389 teńgege, ydys jýýǵa arnalǵan qural (900 ml) 1 977 teńgeniń ornyna 1 679 teńgege, al sabyn 669 teńgeniń ornyna 469 teńgege usynylyp jatyr.
Atalǵan tórt taýardyń jalpy quny 23 750 teńgeden 15 136 teńgege deıin tómendeıdi. Osylaısha, satyp alýshy 8 614 teńge nemese shamamen 36% únemdeı alady.
Maýsymdyq kıimder
Almatyda Republic Day aktsııasy aıasynda kúzgi kıimderge jeńildikter usynylǵan. Maýsymaralyq kúrtesheler 39 990 teńgeniń ornyna 25 990 teńgege, djınsy shalbarlar 19 990 teńgeniń ornyna 13 990 teńgege, áıelder jempirleri 16 990 teńgeniń ornyna 10 190 teńgege, hýdıler 17 990 teńgeniń ornyna 10 790 teńgege, al balalarǵa arnalǵan sporttyq kostıýmder 24 990 teńgeniń ornyna 13 740 teńgege satylyp jatyr.
Atalǵan bes taýardyń jeńildiksiz jalpy quny 119 950 teńge bolsa, aktsııa aıasynda 74 700 teńge. Osylaısha, satyp alýshy 45 250 teńge nemese shamamen 38% únemdeı alady.
Usynylǵan esepteýler jekelegen saýda nysandary bergen baǵalar negizinde jasalǵan jáne yqtımal únemdeý mólsherin kórsetedi. Jeńildikter kólemi, taýar túrleri men arnaıy usynystardyń sharttary dúkenge jáne óńirge baılanysty ózgerýi múmkin.
Aktsııalar Qazaqstannyń barlyq óńirin qamtıdy
Arnaıy jeńildikter elimizdiń ózge óńirlerinde de qarastyrylǵan. Shymkentte turǵyndarǵa kıim-keshek, aıaqkıim, balalar taýarlary men turmystyq tehnıka jeńildetilgen baǵamen usynylyp jatyr. Atyraý oblysyndaǵy jekelegen saýda nysandarynda jeńildikter 50%-ǵa deıin jetedi.
Qaraǵandy jáne Shyǵys Qazaqstan oblystarynda qurylys, jóndeý jumystary materıaldaryna jáne úıdi jabdyqtaýǵa arnalǵan taýarlarǵa arnaıy baǵalar belgilengen. Ulytaý, Batys Qazaqstan, Pavlodar jáne basqa da oblystarda azyq-túlik pen kúndelikti tutynatyn taýarlarǵa jeńildikter jasalyp jatyr.
Óńirlerdiń málimetinshe, satyp alýshylar arasynda maýsymdyq kıimder men aıaqkıim, azyq-túlik, turmystyq hımııa, úıge qajetti taýarlar men elektronıka ónimderi suranysqa ıe.
Eske sala keteıik, Republic Day jáne Bereke Fest respýblıkalyq aktsııalary 17–27 qazan aralyǵynda (qosa alǵanda) ótkiziledi.
Qyzylorda oblysynda «Republic Day» jáne «Bereke Fest» respýblıkalyq aktsııalary ótip jatqanyn jazǵan edik.
