Respýblıka kúnine oraı almatylyqtarǵa Prezıdent atynan memlekettik nagradalar tapsyryldy
Qazaqstan Prezıdenti Qasym-Jomart Toqaevtyń atynan Almaty qalasynyń ákimi Erbolat Dosaev 75 turǵynǵa memlekettik nagradalardy tapsyrdy, dep habarlaıdy Kazinform.
Marapattalǵandar tizimine eldiń áleýmettik-ekonomıkalyq jáne mádenı damýyna eleýli úles qosqan almatylyqtar engen.
Onyń ishinde densaýlyq saqtaý, bilim berý, mádenıet, bıznes, kólik salalarynyń ókilderi, eńbek ardagerleri, sondaı-aq qoǵam jáne saıası qaıratkerler bar.
Memleket basshysynyń Jarlyǵymen 1 dárejeli «Barys» ordenimen «Q.I. Sátbaev atyndaǵy Geologııa ǵylymdary ınstıtýty» JShS dırektory Geroı Joltaev marapattaldy.
Qazaqstannyń Eńbek sińirgen qaıratkeri qurmetti ataǵy kompozıtor Elmıra Dehganıge mádenıettiń damýyna qosqan úlesi úshin berildi.
2 dárejeli «Eńbek Dańqy» ordenimen «Almatyelektrotrans» JShS avtobýs júrgizýshisi Ákimjan Jumabaev marapattaldy.
Sondaı-aq, qala ákimi Memleket basshysynyń atynan almatylyqtarǵa «Parasat», «Qurmet», 3 dárejeli «Eńbek Dańqy» ordenderin, sondaı-aq «Eren eńbegi úshin» jáne «Shapaǵat» medaldaryn tapsyrdy.
Qazaqstan Respýblıkasynyń Qurmet gramotasymen «Almaty Sý» MKK slesari Dáýlet Ábdirahmanov, «Almaty Tazalyq» MKK mamandandyrylǵan tehnıka júrgizýshisi Aqynqoja Ámireev, «Samǵaý grýpp» JShS ýchaske bastyǵy Qýandyq Erepbaev, «Asfaltobeton 1» JShS aǵa mehanıgi Kamıljan Paltaev, «OljasLTD» JShS avtobýs júrgizýshisi Muhamedjan Sadyqov, «Alataý jaryq kompanııasy» AQ AEJ-6 bastyǵynyń orynbasary Almas Samatuly, «Belsendi uzaq ómir ortalyǵy» KMM bı boıynsha pedagog-uıymdastyrýshysy Ǵalııa Toqtarbaeva, «JITS-tyń aldyn alý jáne oǵan qarsy kúres ortalyǵy» KMK dırektory Marat Túkeev, «MIDES Stroı» JShS tehnıkalyq dırektory Vıktor Shalyjın jáne «RBS Dostroı» JShS ınjeneri Roman Shevelev marapattaldy.
Іs-sharaǵa Qazaqstan halqy Assambleıasynyń, qalanyń qoǵamdyq keńesiniń, jastar uıymdarynyń ókilderi, mádenıet qaıratkerleri, JOO rektorlary, máslıhat depýtattary jáne t.b. qatysty.
Saltanatty marapattaý rásimi Abaı atyndaǵy Qazaq ulttyq opera jáne balet teatrynyń ǵımaratynda ótti.
