Respýblıka kúninde elimizde 709 náreste dúnıege keldi
ASTANA. KAZINFORM – Respýblıka kúni, 25 qazanda Qazaqstannyń perzenthanalarynda 709 náreste, onyń ishinde 359 ul, 350 qyz jaryq dúnıe esigin ashty. Bul týraly Densaýlyq saqtaý mınıstrliginiń baspasóz qyzmeti habarlady.
Bul kún eldiń jańa ómiri men bolashaǵynyń sımvolyna aınaldy.
Bir táýliktiń ishinde bosandyrý uıymdaryndaǵy medıtsına qyzmetkerleri 704 bosandyrýdy júzege asyrǵanyn aıta ketken jón.
Jańa týǵan nárestelerdiń arasynda 5 jup egiz bar, bul merekeniń taǵy bir qýanyshty oqıǵasy boldy.
QR Densaýlyq saqtaý mınıstrligi mereke kúni perzenthanalarda kezekshilik jasap, Qazaqstannyń jańa azamattaryn qabyldaǵan dárigerlerge, akýsherlerge jáne barlyq medıtsına qyzmetkerlerine shyn júrekten alǵys bildiredi.
Eske salsaq, osyǵan deıin Qazaqstanda náreste ólimi 22,7%-ǵa tómendegenin jazǵan edik.