Respýblıka kúnine oraı qalamgerler arasynda bılıardtan týrnır ótti
ELORDA AQPARAT medıa kompanııasynyń uıymdastyrýymen, Astana qalasy ákimdiginń qoldaýymen ótken tastaıaq jarysynda úlken, orta jáne kishi býyn qalamgerler qaýymynyń ókilderi baq synady.
Dúbirli dodaǵa bılıardtyń kombınırovannaıa pıramıda jáne erkin pıramıda sııaqty túrlerinen álemniń eki dúrkin chempıony Ernat Shynbaev tórelik etti.
Sondaı-aq, Ernar Astana ákiminiń orynbasary Eset Baıkenmen oıyn oınap, sheberlik dárisin ótkizdi.
Jazýshy qoǵam qaıratkeri Tólen Ábdik, ult ustazy Ahmet Baıtursynuly atyndaǵy arnaıy júldemen marapattaldy.
Al, jazýshy Ýálıhan Qalıjan Sherhan Murtaza atyndaǵy arnaıy júldemen marapattalsa, jazýshy, ǵalym, tarıhshy Qoıshyǵara Salǵarauly Aqseleý Seıdimbek atyndaǵy arnaıy júldege ıe boldy.
Sonymen birge Senator Nurtóre Júsipke «Mergen» arnaıy júldesi buıyrsa, aqyn Nesipbek Aıtuly «eń mádenıetti oıynshy» júldesin qanjyǵalady.
Básekeniń kórkin qyzdyrǵan naǵyz «mergender» arasynan jýrnalıst Nurdilda Oraz týrnırdiń chempıony atandy (200 myń teńge aqshalaı syılyq).
Júldeli ekinshi oryndy jýrnalıst Ahmet Qaıratuly ıelendi (150 myń teńge).
Al, júldeli úshinshi oryn QR Parlament Májilisiniń depýtaty, jýrnalıst Janarbek Áshimjan men jýrnalıst Erbol Erdenbekke buıyrdy (100 myń teńge).
«Týrnır kóp jyldar tasada eleýsiz qalyp, qaıtadan jandanyp, óz ornyn alǵan Respýblıka kúniniń qurmetine ótip jatyr. Bul kúni Qazaqstannyń egemendigi týraly deklaratsııa qabyldandy. Qazaq tarıhyndaǵy eń mańyzdy oqıǵa, táýelsizdiktiń bastaýy dep aıtýǵa da bolady. Memleket basshysy Qasym-Jomart Toqaev Ulytaýda ótken Ulttyq quryltaıda bul kúnniń mańyzyn naqtylaǵan edi. Sóıtip, 25 qazan elimizdiń eń basty merekesine aınaldy. Sonyń qurmetine jýrnalıster arasynda alǵash ret osyndaı týrnır ótkizip otyrmyz. Ózderińiz kórgendeı, Astanadaǵy qalamgerler, úlken jazýshy aǵalarymyz qatysyp, jarystyń mártebesin kóterip jatyr. Buıyrsa bul sharany jyl saıyn dástúrli túrde uıymdastyrp turýǵa nıettimiz», - deıdi « Astana aqshamy « gazetiniń bas redaktory Erkin Qydyr.
