Respýblıka kúnine oraı demalys kúni aýystyryldy - qaýlyǵa qol qoıyldy

ASTANA. QazAqparat –Respýblıka kúnin merekeleý aıasynda demalys kúnin aýystyrýdy kózdeıtin Úkimet qaýlysyna qol qoıyldy, dep habarlaıdy QazAqparat.

QR Premer-Mınıstri Álıhan Smaıylov «2022 jyly demalys kúnderin aýystyrý týraly» QR Úkimetiniń 2021 jylǵy 6 qazandaǵy №713 qaýlysyna tolyqtyrý engizý týraly» Úkimettiń 07.10.2022 jylǵy №796 qaýlysyna qol qoıdy.

Qaýlyǵa sáıkes, demalys kúni 2022 jylǵy 22 qazan, senbiden 2022 jylǵy 24 qazan, dúısenbige aýystyrylady.

Bıyl 25 qazanda elimizdiń ulttyq merekesi retinde alǵash ret Respýblıka kúni atalyp ótedi. Demalys kúnin aýystyrý jumys isteıtin qazaqstandyqtarǵa mereke kezinde demalysyn aldyn ala josparlaýǵa múmkindik beredi.

Osy qaýly alǵashqy resmı jarııalanǵan kúnnen keıin qoldanysqa engiziledi», - delingen primeminister.kz saıtynda.

Buǵan deıin habarlaǵanymyzdaı, Senat 25 qazan – Respýblıka kúnin ulttyq mereke retinde belgileıtin zańdy qabyldady.

Keıin QR Prezıdenti Qasym-Jomart Toqaev tıisti zańǵa qol qoıdy.

B udan ári Respýblıka kúnine baılanysty demalys kúnderin aýystyrý týraly qujat jobasy «Ashyq» NQA saıtynda jarııalandy.

Foto: wnchomeinspector.com