Respýblıka kúnin ózine tán toılaý dástúrin qalyptastyrý kerek – qoǵam qaıratkeri
«Bıyl maýsym aıynda Ulytaýda ótken Ulttyq quryltaıda Memleket basshysy Qasym-Jomart Toqaev 25 qazandaǵy Respýblıka kúnine ulttyq mereke mártebesin qaıtarýdy usyndy. Bul usynys biraz jyldan beri toılanbaı kelgen merekemizben qaıta qaýyshýǵa múmkindik berdi. Respýblıka kúni – eldiń memleket qurý jolyndaǵy tarıhı qadamynyń sımvoly. Atap aıtqanda, ulttyq mereke – Respýblıka kúnin 25 qazanda atap ótý elge unaıdy. Osy kúni Táýelsizdiktiń basty qujaty Qazaqstannyń Egemendigi týraly deklaratsııa (1990 jyly 25 qazanda) qabyldandy. Bul merekeniń ózine tán toılaý dástúri qalyptastyrǵan jón», - dedi Ómirzaq Ozǵanbaev «Egemendik jáne Qazaqstannyń saıası-quqyqtyq transformatsııasy» taqyrybynda ótken jıynda.
Osy oraıda ol ulttyq merekeni laıyqty deńgeıde atap ótýge tıisti vedomstvolar men mamandar atsalysýy kerek ekenin atap ótti. Bul kúni eldiń tulparlaryn anyqtaıtyn báıgeler, túrli sport jarystary ótkizilýi kerek.
«Bul kezde egin jınalyp bitedi. Halyqtyń kóńil-kúıin kóterýde osy merekemen baılanystyrýǵa bolady», - dedi Ó. Ozǵanbaev.
Budan buryn habarlanǵandaı, «Ulttyq múdde» dıalog alańy otyrysynda Senat tóraǵasy Máýlen Áshimbaev 25 qazan elimiz úshin azattyqqa umtylys jolynda taǵdyrsheshti nátıjege qol jetkizgen kún retinde qadirli ekenin atap ótti.
Aıta keteıik, bıyl Memleket basshysy Qasym-Jomart Toqaev Ulttyq quryltaı otyrysynda Respýblıka kúnine ulttyq mereke retinde toılaýdy usyndy.
«Respýblıka kúni eldiń memleket qurý jolyndaǵy tarıhı qadamynyń sımvoly bolýy kerek. Árıne, Táýelsizdik kúniniń bastapqy máni saqtalady. Bul kún memlekettik mereke bolyp qala beredi. Biraq, táýelsizdik alýǵa zor úles qosqan ulttyq batyrlarymyzǵa taǵzym kúni retinde atalyp ótýi kerek», - dedi Prezıdent.
