Respýblıka kúni: Jetisý oblysynda 88 polıtseı marapattaldy
«Merekelik kúntizbede bul kúnniń qaıta jańǵyrýy - jańa Qazaqstannyń urpaǵy óziniń bastaýy men sabaqtastyǵyn maıyndaýynyń, tarıhı eńbekterge qurmet pen Táýelsizdik jolyndaǵy halqymyzdyń erik-jigeriniń belgisi bolyp tabylady. Elimizdiń qalyptasýynyń barlyq kezeńderinde turaqtylyq pen qaýipsizdikti qamtamasyz etýde ishki ister organdaryna mańyzdy ról júkteldi. Bizdiń qyzmetkerler zańdylyq pen quqyqtyq tártipti, azamattardyń konstıtýtsııalyq quqyqtaryn qorǵaý jónindegi qyzmettik mindetterin aldaǵy ýaqytta da abyroımen atqaratynyna senimdimin. Barshańyzǵa zor densaýlyq, baqyt, baq-bereke men beıbitshilik, Otanymyz – Qazaqstan Respýblıkasynyń ıgiligi jolyndaǵy qyzmetterińizge tabys tileımin», – dedi departament bastyǵy, polıtsııa general-maıory Atyǵaı Arystanov.
Joǵary nagradamen, maqtaý qaǵazymen jáne alǵys hatpen oblystyń 88 polıtsııa qyzmetkeri marapattaldy.
«Polıtsııa polkovnıgi» arnaıy ataǵy JPB bastyǵynyń orynbasary Erlan Raımbekovke, «polıtsııa podpolkovnıgi» arnaıy ataǵy Taldyqorǵan QPB JBO aǵa ınspektory Evgenıı Kımge berildi.
Sonymen qatar qyzmettegi erekshe sińirgen eńbegi men jetistikteri úshin 27 polıtseı «Qazaqstan polıtsııasyna – 30 jyl» medalimen, al bir qyzmetker «Quqyq tártibin qamtamasyz etýge qosqan úlesi úshin» medalimen marapattaldy.
Ardagerler men jas qyzmetkerlerdiń ata-analaryna alǵys hat pen baǵaly syılyqtar tapsyryldy.
Saltanatty shara merekelik kontsertke ulasty.
