Respýblıka kúni: Túrkııadaǵy qazaqtar Ulttyq merekeni kemede atap ótti

YSTANBUL. QazAqparat – Túrkııanyń Ystanbul qalasyndaǵy Bosfor buǵazynda Qazaqstan Bas konsýldyǵynyń uıymdastyrýymen Respýblıka kúni – ulttyq mereke atalyp ótti. Bul týraly Qazaqparat tilshisi QR Syrtqy ister mınıstrliginiń baspasóz qyzmetine silteme jasap habarlaıdy.

«Merekelik is-shara álemniń eń kórkem jerleriniń biri sanalatyn Bosfor buǵazynda ótti. Oǵan Ystanbul, Býrsa, Izmır jáne Sakarıa sııaqty qalalarda turatyn belsendi azamattarymyz ben stýdentter qatysty.

«Valıde Sultan» kemesinde ótken saltanatty shara memlekettik ánuranmen bastalyp, jastardyń kontserttik baǵdarlamasy jáne zııatkerlik oıyndarymen jalǵasyn tapty. Kemeniń jan-jaǵy kók baıraqtarymyzben bezendirildi. Bul – Túrkııanyń bizdiń Ulttyq merege degen erekshe qurmeti», - delingen mınıstrliktiń habarlamasynda.

Vedomstvo aqparatyna qaraǵanda, shara sońynda Bas konsýldyqtyń jumystaryna atsalysqan azamattar men qazaqstandyq stýdentter alǵys hattarmen marapattalyp, arnaıy syılyqtar tabystaldy.