Respýblıka kúni: Memlekettik qyzmet isteri agenttiginiń birqatar qyzmetkerleri marapattaldy
Sharaǵa Agenttik, QR Prezıdenti janyndaǵy Memlekettik basqarý akademııasy, Memlekettik qyzmettiń personalyn baqylaý ulttyq ortalyǵynyń basshylyǵy men qyzmetkerleri, memlekettik qyzmet salasynyń ardagerleri qatysty.
Agenttik tóraǵasy Darhan Jazyqbaev óziniń quttyqtaý sózinde Respýblıka kúniniń elimiz úshin eń mańyzdy merekelerdiń biri ekendigin atap ótti.
«Prezıdent aıtyp ótkendeı Respýblıka kúni eldiń memleket qurý jolyndaǵy tarıhı qadamynyń sımvolyna aınalýy qajet. Respýblıka kúni – táýelsizdigimizdiń jarshysy, oǵan jol ashqan tarıhı oqıǵany aıǵaqtaýshy kún. Sondyqtan da biz úshin bul mereke egemen el bolyp irge qalaýymyzdyń belgisine aınalǵan tarıhı kúndi, ulttyq rýhymyzdyń qaıta túlegen sátin eske salatyn erekshe sıpatqa ıe», - dedi ol.
Qazaqstan Respýblıkasy Prezıdentiniń Jarlyǵyna sáıkes memlekettik nagradalarymen Agenttiktiń jáne onyń vedomstvolyq baǵynysty uıymdarynyń qyzmetkerleri «Qurmet» ordeni, «Eren eńbegi úshin» medali, Qazaqstan Respýblıkasynyń Qurmet gramotasymen nagradtaldy. Sonymen qatar, birqatar qyzmetkerlerge MQІA tóraǵasynyń alǵys hattary men gramotalary tabystaldy.
Ulttyq mereke qarsańynda memlekettik qyzmetke alǵash qabyldanǵan memlekettik qyzmetshiler Qazaqstan halqyna adal ári kásibı qyzmet etýge saltanatty túrde ant berdi.
Іs-shara aıasynda merekege shaqyrylǵan qyzmetkerlerdiń balalary úshin Agenttik boıynsha ekskýrsııa uıymdastyryldy, onyń barysynda balalar ata-analarynyń jumys ornymen tanysty.
