Respýblıka kúni: Kentaýda mektep basshylary men ustazdar Ánurandy shyrqady

TÚRKІSTAN. QazAqparat - Respýblıka kúnine oraı Túrkistan oblysynyń Kentaý qalasyndaǵy bilim uıalarynyń basshylary men ustazdary Ánurandy oryndady, dep habarlaıdy QazAqparat tilshisi.

Kentaý qalasynda 360 ustazdyń qatysýymen «Patrıotızm daýysy» taqyrybynda is-shara ótti. Onda ádiskerler men mektep basshylary, pedagogter, balabaqsha meńgerýshileri qoldaryn kókirek tusyna qoıyp, Ánurandy jandy daýysta oryndady.

«Elimizdiń jarqyn bolashaǵy úshin qalyptasqan bul merekeniń mańyzy zor. Osy turǵyda eldiń ármen qaraı damý baǵytynda ustazdardyń qosar úlesi kóp. Jas urpaqty bilimdi etip tárbıeleýde qajyrly eńbek etetin bolamyz», – degen qalalyq adamı áleýetti damytý bóliminiń ádiskeri Aıgúl Maqulbekova halyqty merekemen quttyqtady.

Patrıottyq shara «Meniń armanymdaǵy Qazaqstan» fleshmobyna ulasty. Á.Bókeıhanov atyndaǵy №23 jalpy orta mektep oqýshylary bı bıledi. Ustazdar tarapynan Atamekenge arnalǵan ánder shyrqaldy.

Respýblıka kúnine arnalǵan is-sharalar qaladaǵy «Kóktóbe» demalys aımaǵynda jalǵasty. Onda kolledj jastary kók týdy jelbiretip, Ánurandy shyrqady. Qaladaǵy karate-do shotokan úıirmesiniń jas sportshylary óz sheberlikterin kórsetti.