Respýblıka kúni: Elordalyqtar balkonǵa Qazaqstan týyn ilip jatyr
Máselen, qazirgi tańda elordalyqtar ózderiniń úıleriniń balkondaryna Memlekettik Týdy ilip jatyr. Alǵashqylardyń biri bolyp mundaı bastamany «Jastar rýhy» jastar qanaty qolǵa aldy. Olar qazaqstandyqtardy Instagram jelisine Týmen túsken foto nemese vıdeosyn júktep, «Jastar rýhy» paraqshasyn belgileýge shaqyrdy.
«Biz 18 qazanda «Meniń elim-meniń Týym» onlaın-aktsııasyn bastadyq. Soǵan saı qazaqstandyqtar ózderiniń Týmen túsken fotosýretteri men áńgimelermen bólisý úshin heshteg qostyq. Biz jarııalanymǵa qatysty kóptegen qoldaý pikirleri boldy. Mundaıdy kútpegen edik. Biz 19 qazanda Jandos Qurmanbaevtyń balkonǵa Týdy qalaı durys ilý kerektigin túsindirgen vıdeosyn kórdik. 2015 jyly ol balkonǵa Tý ilip qoıǵany úshin jazalanǵan edi. Biz Jandosqa habarlasyp, oǵan qoldaý bildirdik. Qazaqstandyqtar ulttyq merekeni sezinýi úshin biz osyndaı shara uıymdastyryp otyrmyz», - dedi «Jastar rýhy» jastar qanatynyń tóraǵasy Nurjan Jetpisbaev.
Jandos Qurmanbaevtyń bastamasyna kóptegen qazaqstandyqtar qoldaý bildirdi. Osy oraıda «Jastar rýhy» toby da aktsııany jalǵastyrý týraly sheshim qabyldaǵan. Ol úshin olar Respýblıka dańǵylyn tańdapty. Ózderiniń aıtýynsha, top músheleri turǵyndardyń esigin qaǵyp, elordalyqtardy atalǵan sharaǵa qosylýǵa shaqyrýda. Usynysty qoldaǵandary balkondaryna Memlekettik Týdy ilip jatyr.
Al áleýmettik jelidegi chellendjdi boksshy Serik Sápıev, aktrısa Quralaı Anarbekova, ázilkesh Tursynbek Qabatov sııaqty beligili óner qaıratkerleri qoldady. «Jastar rýhy» uıymy bul sharany 25 qazanǵa deıin jalǵastyrmaq nıette.
Aıta ketsek, taıaýda balkondarǵa Memlekettik Týdy ilýge ruqsat berý maqsatyna «QR Memlekettik Týdy paıdalaný týraly» Úkimet qaýlysyna ózgeris engizilgen bolatyn.
