Respýblıka kúni: Almatydaǵy merekelik kontsert otshashýmen aıaqtaldy

ALMATY. QazAqparat – Respýblıka kúnine oraı Almatyda ótken merekelik kontsert otshashýmen aıaqtaldy, dep habarlaıdy QazAqparat tilshisi.

Búgin Astana alańynda saǵat 17:00-de merekelik kontsert bastalǵan edi. Kontsertke qazaqstandyq estrada juldyzdary, atap aıtqanda, «Alashuly», «Ulytaý» toptary, Alısher Karımov, Búrkit pen Aısha, Qýandyq Rahym syndy juldyzdar patrıottyq ánderdi oryndaldy.

Sondaı-aq, merekelik kontsertke kásibı dombyrashylar men balalar jáne akademııalyq hordyń úlken ujymy da qatysyp, kópke óner kórsetti.

Kontsert merekelik otshashýmen aıaqtaldy. Shamamen 10 mınýtqa sozylǵan merekelik otshashý qala turǵyndary men qonaqtaryn keremet áserge bóledi.

Eske salaıyq, Almatyda Respýblıka kúnine oraı memlekettik Tý kóterilip, qalanyń 8 aýdanynda bir sátte memlekettik Ánuran shyrqaldy .