Respýblıka kúni: Túrkistan oblysynyń kıeli oryndaryn týrıstik avtobýspen tegin aralaýǵa bolady

Túrkistan oblysynyń kıeli oryndaryn týrıstik avtobýspen tegin aralaýǵa bolady, dep habarlaıdy Kazinform.

Ár aptanyń senbi-jeksenbi kúnderi Shymkent qalasynan Túrkistanǵa tegin avtobýs qatynaı bastady. «Kazakh tourism» ulttyq kompanııasynyń bastamasymen iske qosylǵan jobanyń basty maqsaty – Túrkistandaǵy saıahatshylar sanyn arttyrý.

Aqysyz týrıstik baǵyt – kóptegen azamattarǵa kıeli óńirlerdi kórýge múmkindik berip otyr. Týr aıasynda eń aldymen saıahattaýshylar tarıhtan syr shertetin Otyrar tóbe men Arystanbab kesenesine zııarat etedi. Odan soń týrıster ıAsaýı kesenesi men kóne Túrkistan shaharynyń zamanaýı jańa kelbetimen tanysady.

Aıta keteıik, avtobýs Shymkent qalasynan ár senbi-jeksenbi kúnderi saǵat 09:00-de «Shymkent Grand Hotel» qonaq úıiniń avtoturaǵynan jolǵa shyǵady. Avtobýstan oryndy aldyn ala https://goturkistan.com/shymkentturkistan saıty arqyly brondaýǵa bolady.