Respýblıka kúni: Qyzylordada saýda oryndary 50 paıyzǵa deıin jeńildik usynady
QYZYLORDA. KAZINFORM — Qyzylorda oblysynda «Republic Day» jáne «Bereke Fest» respýblıkalyq aktsııalary ótip jatyr, dep habarlaıdy oblys ákimdiginiń baspasóz qyzmeti.
Respýblıka kúnine oraı elimizde ótip jatqan «Republic Day» jáne «Bereke Fest» respýblıkalyq aktsııalaryna Qyzylorda oblysy da belsendi qatysyp jatyr. Aktsııaǵa oblys boıynsha 31 saýda nysany qatysyp, «Bereke Fest» aktsııasy boıynsha 5–25 paıyz, al «Republic Day» aktsııasy aıasynda 10–50 paıyz aralyǵynda jeńildikter usynylyp otyr. Bul turǵyndarǵa kúndelikti qajetti taýarlardy tıimdi baǵamen satyp alýǵa, otbasylyq shyǵyndardy únemdeýge jáne saýda jasaý kezinde qosymsha múmkindikterdi paıdalanýǵa jol ashady.
Respýblıkalyq aktsııalar aıasynda saýda nysandarynda jeńildikter usynýmen qatar, merekelik mádenı-tanymdyq is-sharalar da uıymdastyrylǵan. Atap aıtqanda, merekelik kontserttik baǵdarlamalar, patrıottyq ánder, túrli baıqaýlar, ulttyq sport túrlerinen jarystar, taýar óndirýshilerdiń kórmeleri jáne ulttyq qundylyqtardy dáripteýge baǵyttalǵan mádenı is-sharalar ótkizilip jatyr. Bul bastamalar turǵyndar men qala qonaqtaryna kóterińki kóńil kúı syılap, merekelik ortanyń qalyptasýyna yqpal etip otyr. Osy arqyly óńirde tutynýshylar men kásipkerler úshin ózara tıimdi múmkindikter qalyptasyp, respýblıkalyq bastamalardyń áleýmettik-ekonomıkalyq mańyzy arta túsýde.
«Republic Day» jáne «Bereke Fest» respýblıkalyq aktsııalary turǵyndarǵa tıimdi baǵada saýda jasaýǵa múmkindik berip qana qoımaı, Respýblıka kúni merekesiniń mańyzyn aıshyqtap, ulttyq qundylyqtardy dáripteýge jáne el birligin nyǵaıtýǵa úles qosyp jatyr.
Aıta keteıik, «Republic Day» aktsııasyna 23 saýda obektisi (2 saýda-oıyn-saýyq ortalyǵy jáne 21 saýda úıi men saýda ortalyǵy) qatysady:
Qyzylorda qalasyndaǵy «Aray City Mall», «Jibek joly» saýda-oıyn-saýyq ortalyqtary, «Baıuzaq Plaza», «Aǵjan», «Aizada Plaza», «ADS Plaza», «Otyrar», «Aıtbek», «Modnica», «Luxury Mall», «Modnyı raı», «Frıstaıl» jáne «Dástúr» saýda úıleri men saýda ortalyqtary qatyssa, aýdandardan Syrdarııa aýdanyndaǵy «Aqtilek» jáne «Aınur», Jańaqorǵan aýdanyndaǵy «Qarabýra» jáne «Bereke», Qazaly aýdanyndaǵy «MARLEN», Qarmaqshy aýdanyndaǵy «Adına» jáne «Botakóz», Shıeli aýdanyndaǵy «Planeta» jáne «Bereke Mega», Jalaǵash aýdanyndaǵy «Amınok» saýda nysandary qatysyp jatyr.
«Bereke Fest» aktsııasyna 8 saýda jelisi qatysyp jatyr:
Qyzylorda qalasyndaǵy «Magnum», «Small», «Qyzylorda optomarket», «Radýga», «Anvar» jáne «Azhar City» saýda jelilerinde, sondaı-aq Aral aýdanyndaǵy «Symbat» jáne «Green» saýda jelilerinde ótkizilýde.
