Respýblıka kúni qarsańynda Prezıdent bir top azamatty memlekettik nagradamen marapattady

ASTANA. KAZINFORM — Ulttyq mereke – Respýblıka kúni qarsańynda Qazaqstan Respýblıkasynyń Prezıdenti Qasym-Jomart Toqaevtyń Jarlyǵymen elimizdiń áleýmettik-ekonomıkalyq, mádenı-rýhanı damýyna, halyqtar arasyndaǵy dostyq pen yntymaqtastyqty nyǵaıtýǵa eleýli úles qosqan jáne belsendi qoǵamdyq qyzmet atqarǵan birqatar azamat memlekettik nagradamen marapattaldy. Bul týraly Aqorda málim etti.

Olardyń qatarynda eńbek ardagerleri, jumysshylar, óndiris, bıznes, bilim berý, ǵylym, densaýlyq saqtaý salalarynyń ókilderi, áskerıler, quqyq qorǵaý organdarynyń qyzmetkerleri, sportshylar, mádenıet jáne óner qaıratkerleri bar.

Óndiristi órkendetýge jáne agroónerkásip keshenin damytýǵa zor úles qosqany úshin Soltústik Qazaqstan oblysyndaǵy «Mámbetov jáne K» KS mehanızatory M.Qarajumanovqa, taý-ken salasyndaǵy aıtýly jetistigi jáne uzaq jylǵy eńbegi úshin Qaraǵandy oblysyndaǵy «Qarmet» AQ «Shahtınskaıa» shahtasynyń ýchaske bastyǵy S. Chernobaıǵa «Qazaqstannyń Eńbek Eri» ataǵy berildi.

Pavlodar oblysyndaǵy «Galıtskoe» JShS dırektory A.Kasıtsın «Otan» ordenimen marapattaldy.

«Baqyrshyq taý-ken óndirý kásiporny» JShS basqarma tóraǵasy K.Isaev, Qazaqstan jýrnalıstıkasynyń ardageri S. Harchenko І dárejeli «Barys» ordenimen; «Aqtoǵaı» sý elektr stansasynyń dırektory T.Baımoldaev, Ulttyq ǵylym akademııasynyń akademıgi O.Sábden, eńbek ardageri E.Tájıev, «Almaty áýenderi» kontserttik orkestriniń bas dırıjeri M.Serkebaev jáne basqalar ІІ dárejeli «Barys» ordenimen; K.Baıseıitova atyndaǵy Qazaq ulttyq óner ýnıversıtetiniń professorlary A.Almatov pen N.Izmaılov, «Aqsaıgazservıs» AQ holdıngi kompanııalar toby dırektorlar keńesiniń tóraǵasy T.Shektebaev, aqyn Á.Berkenova jáne basqalar ІІІ dárejeli «Barys» ordenimen nagradtaldy.

Elimizdiń rýhanı kemeldenýine jáne zııatkerlik áleýetiniń damýyna eleýli úles qosqany úshin belgili ǵalymdarǵa, mádenıet qaıratkerlerine jáne óndiris salasynyń ókilderine «Parasat» ordeni berildi.

— Olardyń qatarynda «Ilınskoe» JShS dırektory A.Býrlev, aqyn Ǵ.Jaılybaı, «Munaı-gaz kesheni ardagerleri» RQB keńesiniń múshesi T.Hasanov, Qazaqstan jýrnalıstıkasynyń ardageri E.Brýsılovskaıa, Shyǵys Qazaqstan oblystyq aýrýhanasynyń bólim meńgerýshisi M.Bashabaev jáne basqalary bar, — delingen habarlamada.

Beıbitshilikti, halyqtar arasyndaǵy dostyq pen yntymaqtastyqty nyǵaıtýǵa qosqan úlesi úshin «Social theater-Camogli» (Italııa) teatrynyń kórkemdik jetekshisi Akvavıva Djýzeppe ІІ dárejeli «Dostyq» ordenine laıyq dep tanyldy.

«Qurmet» ordenimen marapattalǵandardyń qatarynda Astanadaǵy № 3 qalalyq balalar aýrýhanasynyń bas dárigeri M.Abdýov, «Qumqudyq» JShS bas ınjeneri B.Aıtjan, «QazaqGaz Aimaq» Almaty óndiristik fılıalynyń slesari G.Jasybaeva, Ulttyq ıadrolyq ortalyqtyń laboranty ıÝ.Karıagın, Ortalyq memlekettik arhıvtiń dırektory S. Shildebaı, aktrısa G.Dýsmatova, «Alternatıva» ózekti zertteýler ortalyǵynyń dırektory A.Chebotarev jáne basqalary bar.

Ult birligin nyǵaıtý jáne qoǵamdyq kelisimdi qamtamasyz etý jolyndaǵy jemisti eńbegi úshin «El birligi» ordenimen «Ahyska» túrik etnomádenı ortalyǵynyń Shymkent qalasy fılıalynyń tóraǵasy L.Asanov, Pavlodar oblysy boıynsha orys, slavıan jáne kazak uıymdary qaýymdastyǵynyń tóraǵasy V.Berkovskıı, «Vozrojdenıe» Qazaqstan nemisteri birlestigi qamqorshylar keńesiniń tóraǵasy E.Bolgert, «Tań» tatar-bashqurt etnomádenı ortalyǵynyń tóraǵasy R.Valıev, «Dýstlık» ózbek etnomádenı birlestikteriniń qaýymdastyǵy tóraǵasynyń orynbasary A.Ismatýllaev marapattaldy.

Ónerkásip, kólik, qurylys, aýyl sharýashylyǵy jáne basqa da óndiristik salalardyń eńbekkerleri III dárejeli «Eńbek Dańqy» ordeniniń kavaleri atandy.

«Qazaqstannyń eńbek sińirgen qaıratkeri» qurmetti ataǵy mádenıet salasynyń kórnekti ókilderi Z.Altynbaevaǵa, Á.Altynbekke, N.Jmerenetskaıaǵa, B.Qajybaevqa, belgili kásipker, qoǵam qaıratkeri I.Saýerge jáne taǵy da basqalarǵa berildi.

«Qazaqstannyń halyq jazýshysy» ataǵyna aqyn M.Aıtqoja, jazýshy Ǵ.Qabyshuly, «Qazaqstannyń halyq ártisi» ataǵyna mýzyka, teatr jáne kıno óneriniń kórnekti qaıratkerleri B.Ábdilmanov, M.Ótekeshova, A.Jaıymov, T.Janqul, Sh. Janysbekova, B.Ibraev, K.Qazaqbaeva, R.Mashýrova laıyq dep tanyldy.

Densaýlyq saqtaý jáne ǵylym salasynyń birqatar ókili «Qazaqstannyń eńbek sińirgen dárigeri» jáne «Qazaqstannyń eńbek sińirgen ǵylym jáne tehnıka qaıratkeri» qurmetti ataqtaryna ıe boldy.

«Qazaqstan Respýblıkasynyń gıdrogeologııalyq kartalar atlasynyń» qurastyrýshylary M.Ábsámetovke, R.Aıazbaevqa, E.Kóldeevke, E.Murtazınge, V.Smolıarǵa, sondaı-aq tústi metallýrgııadaǵy ekologııalyq qaýipsizdik jónindegi zertteýlerdiń avtorlary B.Kenjálıevke, V.Volodınge, E.Ospanovqa, S. Trebýhovqa, A.Shahalovqa Qazaqstan Respýblıkasynyń ál-Farabı atyndaǵy ǵylym men tehnıka salasyndaǵy Memlekettik syılyǵy berildi.

Sonymen qatar belgili arheolog Z.Samashev, tarıhshy M.-A.Sydyqnazarov Qazaqstan Respýblıkasynyń A.Baıtursynuly atyndaǵy gýmanıtarlyq ǵylymdar salasyndaǵy Memlekettik syılyǵynyń laýreaty atandy.

Áskerı jáne qyzmettik boryshyn úlgili atqarǵany, zańdylyq pen quqyqtyq tártipti qamtamasyz etý, ulttyq qaýipsizdikti nyǵaıtý kezinde kórsetken erligi men janqııarlyǵy úshin áskerı qyzmetshiler men quqyq qorǵaý organdary ókilderiniń bir toby ІІ dárejeli «Dańq» ordenimen, I, ІІ, ІІІ dárejeli «Aıbyn» ordenimen, «Erligi úshin» jáne «Jaýyngerlik erligi úshin» medaldarymen marapattaldy.

Aıta keterlik jaıt, Jumysshy mamandyqtary jylyna oraı Respýblıka kúni qarsańynda eńbek áýletteriniń 138 ókili, ónerkásip, kólik, qurylys, aýyl sharýashylyǵy jáne basqa da salalardyń 500-ge jýyq jumysshysy men eńbekkeri, shaǵyn jáne orta bıznestiń 200-ge jýyq ókili, 130-dan astam ustaz ben ǵalym, 100-den asa medıtsına qyzmetkeri jáne kúndelikti eńbegimen el damýyna úles qosyp júrgen basqa da azamattar memlekettik nagradalarǵa ıe boldy.

Eske sala keteıik, Memleket basshysy Qasym-Jomart Toqaev KIA Corporation prezıdenti Ho-sýng Songty ІІ dárejeli «Dostyq» ordenimen marapattaǵan edi.