Respýblıka kúni qarsańynda elordalyqtar úılerine memlekettik tý ile bastady

ASTANA. KAZINFORM — Respýblıka kúnin merekeleý qarsańynda elorda jastary «Meniń Qazaqstanym!» atty aktsııany bastady, dep habarlaıdy elorda ákimdiginiń resmı saıty.

Jastar úılerdiń balkondaryna kók týymyzdy ilip qoıdy. Jalpy Astana kóshelerinde 1000-ǵa jýyq tý ilinip tur. Patrıottyq aktsııa jyl saıyn ótkiziledi. Bul aktsııa elorda kóshelerindegi júrgen astanalyqtar men qala qonaqtaryna júrek tebirenter áser syılady. Astanalyqtar aktsııaǵa qosylyp jatyr.

— Jyl saıyn otbasymyzben osy chellendjge qatysamyz, balkonǵa tý ilip qoıamyz. Bul qarapaıym áreket, biraq sımvoldyq máni bar. Qaladaǵy ilinip turǵan týlardy kórgende, eliń úshin maqtanysh sezimi kerneıdi, — dedi Saryarqa aýdanynyń turǵyny.

Esterińizge sala keteıik, QR Memlekettik rámizderin ornalastyrý týraly erejege sáıkes, azamattar óz úıleriniń ǵımarattary men balkondarynda patrıottyq sezimderdi bildirý jáne Ulttyq jetistikterdi qoldaý maqsatynda memlekettik týdy paıdalanýǵa quqyly. Degenmen memlekettik rámizderdi paıdalanýdyń belgilengen standarttaryn saqtaý qajet.

Budan buryn Respýblıka kúni Astanada qandaı sharalar ótetinin jazǵanbyz.