Respýblıka kúni qarsańynda Aqmola oblysynda jańa toptyq sý qubyry iske qosyldy
ASTANA. KAZINFORM - Memleket basshysynyń tapsyrmasyn oryndaý aıasynda Sý resýrstary jáne ırrıgatsııa mınıstrliginiń Sý sharýashylyǵy komıteti jańa toptyq sý qubyryn iske qosty. Nysan Aqmola oblysy Sandyqtaý aýdanynyń úsh aýylyn ortalyqtandyrylǵan sýmen qamtamasyz etedi. Bul eldi mekenderde 1,1 myńnan astam adam turady, dep habarlaıdy mınıstrliktiń baspasóz qyzmeti.
Jańa sý qubyryn iske qosý rásimine Sý resýrstary jáne ırrıgatsııa mınıstrligi Sý sharýashylyǵy komıteti tóraǵasy orynbasarynyń mindetin atqarýshy Bulan Turlybekov pen Sandyqtaý aýdanynyń ákimi Serik Qudabaı qatysty.
-Jańa sý qubyry Krasnaıa Polıana, Petrıkovka jáne Arbýzınka aýyldaryn aýyzsýmen qamtamasyz etý sapasyn jaqsartady. Joba aıasynda uzyndyǵy 22,1 shaqyrym sý qubyry tartylyp, sý alýǵa arnalǵan eki uńǵyma burǵylandy. Sondaı-aq sý jınaý alańy jáne sorǵy stantsııalary bar eki sý qubyry qurylystarynyń alańy salyndy. Budan bólek, 123 qudyq ornatylyp, elektrmen jabdyqtaý jumystary júrgizildi, - dedi Sý resýrstary jáne ırrıgatsııa mınıstrligi Sý sharýashylyǵy komıteti tóraǵasy orynbasarynyń mindetin atqarýshy Bulan Turlybekov.
Elimizde sý resýrstaryn qalaı utymdy paıdalanýǵa bolatynyn myna materıaldan oqyńyzdar.
