Respýblıka kúni halyqtyń bolashaqqa senimin nyǵaıtatyn erekshe meıram bolýy kerek - Prezıdent

Respýblıka kúni halyqtyń bolashaqqa senimin nyǵaıtatyn erekshe meıram bolýy kerek. Bul týraly Aqordada Respýblıka kúnine oraı birqatar azamatqa memlekettik nagradalar men syılyqtar tapsyrýǵa arnalǵan saltanatty rásimde Memleket basshysy Qasym-Jomart Toqaev aıtty, dep habarlaıdy Kazinform.

«Búginde bizdiń memlekettiligimiz qarqyndy damyǵan egemen respýblıkanyń órkenıetti ári quqyqtyq sıpatyna ıe boldy. Qasterli Táýelsizdigimizdi qorǵap, jan-jaqty nyǵaıtý – bárimizdiń ortaq mindetimiz, qazirgi jáne bolashaq urpaq aldyndaǵy perzenttik paryzymyz. Biz Respýblıka kúniniń mán-mańyzyn, onyń myqty memleket jáne kózi ashyq, kókiregi oıaý ult qalyptastyrýǵa baǵyttalǵan aýqymdy ózgeristerdiń sımvoly retindegi tereń maǵynasyn jastarǵa túsindirýimiz kerek. Respýblıka kúni halyqtyń bolashaqqa senimin nyǵaıtatyn erekshe meıram bolýy kerek», - dedi Prezıdent.

Memleket basshysynyń paıymynsha, bul kúnde patrıottyq, qaıyrymdylyq jáne volonterlik is-sharalardy kóptep uıymdastyrǵan jón.

«Egemendik kúni ultty uıystyratyn naǵyz eldiktiń meıramyna aınalýǵa tıis. ıAǵnı, osy qasterli merekede Otanǵa degen shynaıy súıispenshilikti dáripteýimiz kerek. Bul – barshamyzǵa ortaq is. Sondyqtan bárimiz bir el bolyp atsalysaıyq!», - dedi Qasym-Jomart Toqaev.