Respýblıka kúni: Astanada 1500-den asa oqýshy «Atameken» ánin oryndady
ASTANA. KAZINFORM — Respýblıka kúnine oraı jáne «Adal azamat» biryńǵaı tárbıe baǵdarlamasy aıasynda Memlekettik rámizder alańynda aýqymdy fleshmob ótti. Onyń qatysýshylary «Atameken» ánin oryndady, dep habarlaıdy Astana ákimdigi.
Іs-sharaǵa elordalyq mektepterdiń 1500-den astam oqýshysy qatysty.
— Fleshmob óskeleń urpaqtyń boıynda azamattyq biregeılikti, táýelsiz Qazaqstannyń Memlekettik rámizderi men dástúrlerin qurmetteýdi qalyptastyrýǵa baǵyttalǵan. Oryndaý barysynda qatysýshylar Qazaqstannyń jas býynynyń birligi, dostyǵy men ashyqtyǵynyń sımvoly — ashyq alaqan beınesin jasap, bes qatarǵa turdy. Bul alaqan jylýlyq pen qoldaýdyń beınesine aınaldy, — delingen habarlamada.
Sonymen qatar Astananyń barlyq mektebinde osyndaı fleshmobtar ótti, oqýshylar «Meniń Qazaqstanym» aktsııasyn qoldap, patrıottyq kompozıtsııany oryndady.
Esterińizge sala keteıik, 25 qazanda Qazaqstanda Ulttyq mereke — Respýblıka kúni atap ótiledi. Osy aıtýly merekege oraı, Astanada 150-ge jýyq mádenı-buqaralyq, bilim berý, sporttyq jáne áleýmettik is-sharalar josparlanǵan. Olardyń arasynda merekelik kontsertter, kórmeler, dóńgelek ústelder, ulttyq sport túrleri boıynsha týrnırler jáne taǵy basqalar bar.
Osydan buryn Respýblıka kúni qarsańynda elordalyqtar úılerine memlekettik tý ile bastaǵanyn jazǵan edik.