Respýblıka kóleminde qylmystarǵa «múldem tózbeýshilik» aktsııasy ótedi - ІІM
ASTANA. QazAqparat - QR Іshki ister mınıstrligi Memleket basshysynyń tapsyrmasyn iske asyrý sheńberinde Tártipsizdik pen quqyq buzýshylyqtarǵa «múldem tózbeýshilik» qaǵıdatyn qamtamasyz etý jónindegi 2015-2016 jyldarǵa arnalǵan uıymdastyrýshylyq jáne praktıkalyq is-sharalar josparyn iske asyrýda.
Osyǵan baılanysty 28 - 30 qyrkúıekte, «Tártipsizdik pen quqyq buzýshylyqtarǵa múldem tózbeýshilik» keń aýqymdy respýblıkalyq aktsııasyn ótkizý josparlanýda. Bul týraly Іshki ister mınıstrliginiń baspasóz qyzmetinen habarlandy.
Aktsııanyń maqsaty, halyqta tártipsizdik pen usaq quqyq buzýshylyqtarǵa «múldem tózbeýshilik» qaǵıdatyn qalyptastyrý, azamattardyń quqyqtyq tanymy men quqyqtyq mádenıetin kóterý bolyp tabylady. Sharaǵa barlyq múddeli memlekettik organdar sonyń ishinde Bas prokýratýra, Bilim jáne ǵylym, Densaýlyq saqtaý jáne áleýmettik damý mınıstrlikteri, «Nur-Otan» partııasy, qoǵam ókilderi, quqyq qorǵaý salasyndaǵy qoǵamdyq qurylymdar, ÚEU jáne aýmaqtyq ishki ister organdary qatysady dep kútiledi.
«Jalpy bıylǵy ótken 8 aıda usaq buzaqylyqtardyń jasalýyna qoǵamdaǵy múldem tózbeýshilikti qalyptastyrý sheńberinde atalǵan sanatqa jatqyzylǵan quqyq buzýshylyqtardy anyqtaýdyń ósýi baıqalǵan. Máselen, qoǵamdyq oryndarda alkogoldik ishimdikterdi ishý jáne mas kúıde bolý - 10 paıyzǵa, jekelegen qoǵamdyq oryndarda temeki shegýge tyıym salý qaǵıdalaryn buzý - 35,4 paıyzǵa, «ıtter men mysyqtardy asyraý jáne serýendetý qaǵıdalaryn buzý» - 86,6 paıyzǵa deıin ósýi tirkeldi. Budan bólek, júrgizýshilerdiń kólik quraldaryn basqarý kezinde telefondardy ne bolmasa radıostansalardy paıdalanýy - 2,6 esege, kólik quraldary júrgizýshileriniń belgilengen jol júrisi jyldamdyǵyn asyrýy - 1,8 esege, jaıaý júrginshilerdiń jáne ózge de jol júrisine qatysýshylardyń jol júrisi qaǵıdalaryn buzýy - 1,4 esege ósýi tirkelgen», delingen baspasóz baıanynda.
