Respýblıka kásiporyndarynda 25 mlrd. tonna qoqys jınaqtalǵan - Qorshaǵan ortany qorǵaý mınıstri
ASTANA. 11 maýsym. QazAqparat - Respýblıkanyń kásiporyndarynda jınaqtalǵan qoqys 25 mlrd. tonnaǵa jetip otyr.
Bul týraly búgin Parlament Májilisinde ótken Úkimet saǵatynda Qorshaǵan ortany qorǵaý mınıstri Nurlan Qapparov málim etti.
Vedomstvo basshysynyń aıtýynsha, elimizdegi ekologııalyq problemalardyń basym bóligi óndiristik shyǵarylymdar men jınaqtalǵan qaldyqtarǵa qatysty bolyp otyr. «Respýblıkamyzdyń kásiporyndarynda 25 mlrd. tonna qoqys jınalǵan. Al óndiris nysandarynyń atmosferalyq shyǵarylymdary jylyna 3 mln. tonnadan asady. Munyń 85 paıyzy elimizdegi 42 iri kásiporynnyń enshisinde»,-dedi mınıstr.
Onyń aıtýynsha, sý nysandaryna jiberiletin shyǵaryndylar 2,8 mln. tonnany quraıdy. Sondaı-aq, jyl saıyn elimizde 5 mln. tonna turmystyq qatty qaldyqtar paıda bolyp, onyń tek 5 paıyzy ǵana óńdeýden ótedi.
