Respýblıka qaharmandary: Parasportshy ıÝrıı Berezın kásibı sportqa 33 jasynda kelgen
ıÝrıı Berezın Ekaterınbýrgte dúnıege kelgen. 1 jasqa tolmaı turyp ata-anasy Qazaqstanǵa kóship kelgen, sondyqtan elimizdi Otany sanaıdy.
«2016 jyldan bastap protezben júremin. Qos aıaǵymnan oqqa ushyrap aıyrylǵanmyn. Qıyn sátte jaqyndarym men dostarym janymda bolyp, qoldaý kórsetti. Aıaqqa protez salý úshin Petropavlǵa bardym. Onda taǵdyr tálkegine túsken túrli adamdardy kórgende, meniń aıaǵymnyń joqtyǵy jaı dúnıe bolyp qaldy. Ásirese qol-aıaǵy joq balalardy kórgende júregiń aýyrady. Sol kezde óz jaǵdaıymdy túsinip, odan ári ómir súrýim kerek dep ózime maqsat qoıdym. Al sportqa kelgen soń ómirge degen qulshynysym odan saıyn arta tústi», - dedi ıÝrıı Berezın.
ıÝrıı aıaǵynan aırylǵanǵa deıin sportpen baılanysy bolmaǵan.
«Oqqa ushyraǵannan keıin qaıta qalpyma kelip, jańa ómirdi bastadym. Qostanaı qalasynda energoortalyqqa jumysqa ornalastym. Sosyn basshymyz qyzmetkerlerge júzýge barýdy usyndy. Nátıjesinde men ǵana bardym. Osylaısha júzýdi bastadym. Keıin oblystyq Sport basqarmasy janyndaǵy múgedek jandarǵa arnalǵan Sport klýby maǵan qyzyǵýshylyq tanytty. Sóıtip, kásibı shańǵy sportymen aınalysýdy usyndy», - deıdi ol.
Qostanaı turǵyny sportqa shaqyrylǵan 2018 jyly 33 jasta bolǵan.
«Bul jasta kásibı sportshylar, kerisinshe, mansabyn aıaqtap jatady. Biraq bul fakt meniń sportpen aınalysýyma kedergi bolmady. Sol kezdegi ıÝrıı men qazirgi ıÝrıı eki túrli adam. Ol kezde salmaǵym 130 keli edi. Eki aı júzýge qatystym. Degenmen eshqandaı jattyqtyrýshy, jattyǵý kestesi bolǵan joq. Óz betimmen aınalystym. Keıin jattyqtyrýshyǵa ózim habarlasyp, shańǵy bazasynda daıyndyqty bastadyq. Aldymen Şýchınskide jıyn boldy, ýaqyt óte kele shańǵydan el chempıonatyna qatystym. Degenmen el chempıonatyna qatysý maǵan aýyr tıdi. Ózińiz oılańyzshy, eshqashan sportpen aınalyspaǵan adam chempıonatqa qatysyp jatyr. Ondaı kezde ne bolyp jatqanyn óziń túsinbeısiń. Onyń ústine qobaljý bar. Jarys nátıjesiz boldy», - deıdi parasportshy.
Onyń aıtýynsha, ýaqyt óte kele sportshy kásibı turǵydan shyńdala bastady. Shańǵydan Qazaqstannyń paralımpıada quramasynyń bas jattyqtyrýshysy Vasılıı Kolomıetske alǵysy sheksiz.
ıÝrıı Berezın sportta alǵashqy iri jeńisine byltyr qol jetkizdi.
«2021 jyly shańǵy tebýden 5 shaqyrym qashyqtyq boıynsha Qazaqstan chempıonatynyń jeńimpazy atandym. Sondaı-aq Qazaqstan Respýblıkasynyń sport sheberi normatıvin oryndadym. Bul men úshin erekshe sát. Eńbegimniń baǵalanǵanyn túsindim. Biraq bunymen jumys bitpeıdi. Alda joǵary shyńdar men jańa maqsat bar», - dep bólisti jerlesimiz.
Parasportshynyń shetelge sapary Shvetsııadan bastaldy. ıÝrıı atalǵan eldiń Estersýnd qalasynda shańǵydan ótken álem kýboginde baq synady. Otandasymyz 10 shaqyrymdy 18-nshi bolyp mejeledi. Sonyń nátıjesinde ıÝrıı Berezın Paralımpıada-2022 halyqaralyq oıynyna qatysý quqyǵyna ıe boldy.
«Halyqaralyq paralımpıada oıyndaryna qatysý lıtsenzııasy men úshin kútpegen syı boldy. Sebebi maǵan deıin shańǵydan 4 qazaqstandyq sportshyǵa lıtsenzııa berildi. Sondyqtan men asa úmittenbedim. Halyqaralyq paralımpıada oıyndaryna baratynym jarysqa 5 kún qalǵanda aıtyldy. Jasyratyny joq, qýanysh pen muń qatar keldi. Sebebi lıtsenzııa utyp alǵanyma qýanyshtymyn, ekinshi jaǵynan jarystyń bastalýyna 1 aptadan da az ýaqyt qaldy. Ne bolady, qalaı bolady, ýaıymdadym. Jalpy úlken sportqa kelem degenshe Olımpıadanyń ótý barysyn teledıdardan jıi qaraıtynmyn. Paralımpıada oıyndarynyń ashylý saltanatynda emotsıonaldy turǵydan sharshadym. Al saıysty bastar kezde qatty qobaljydym. Adam kóp, barlyq jerde úlken kamera. Onyń ústine 18 shaqyrymdy baǵyndyrý qajet. Synǵa túser aldynda dosym kishkentaı ulymen teledıdardy qosyp meni kútip otyrǵan sátiniń fotosyn jiberdi. Odan keıin erekshe jaýapkershilik júktelgendeı boldy», - dedi ol.
Sportshy belgilengen mejeni, ıaǵnı 18 shaqyrymdy erkin baǵyndyrdy. Osylaısha bar qıyndyq pen qobaljý artta qaldy.
«Sońǵy aınalymda 500 metr ǵana júrip ótip, jarys qatarynan shyqtym. Sońyna deıin jete almaıtynymdy bildim. Men de fızıkalyq emes, emotsıonaldy turǵydan sharshaý boldy. Sebebi qatty qobaljydym. Shynymdy aıtsam, meniń minezim aýyr. Alǵashqy jattyǵýym áli esimde, qıynǵa soqqan. Shańǵyny úırenem degenshe qanshamasyn syndyrdym. Sporttan talaı ret ketkim de keldi. Degenmen naǵyz ómirdi sportqa kelgennen keıin súre bastadym. Jattyǵýlar, jıyn-jarystar, sportshy áriptesterińmen júzdesý – bunyń bári draıv. Bul – meniń ómirim», - dedi ıÝrıı Berezın.
Qazir qostanaılyq ıÝ. Berezın sportpen kásibı shuǵyldanýdy jalǵastyryp jatyr. Aldaǵy ýaqytta shańǵymen qatar bıatlonmen aınalysý oıy bar.
