Respýblıka boıynsha Ulttyq biryńǵaı testileýdiń ortasha baly 84,84-ti qurady
ASTANA. Maýsymnyń 11-i. QazAqparat /Rýslan Ǵabbasov/ - Respýblıka boıynsha Ulttyq biryńǵaı testileýdiń ortasha baly 84,84 baldy qurady (2009 jyly 74,9 ball),
dep habarlaıdy QazAqparat.
Bilim jáne ǵylym mınıstrliginiń taratqan málimetterine qaraǵanda, UBT-ǵa 107 myń 543 mektep túlekteri qatysty (2009 jyly 106 myń 805). Onyń ishinde 67743 qazaq tilinde, 39800 orys tilinde tapsyrdy. Ortasha baldy esepteý kezinde aımaqaralyq testileýge qatysýshylardyń ortasha paıyzdyq kórsetkishi esepke alyndy. Eń joǵary ortasha ball Astana qalasynda (97,43), Pavlodar oblysynda 94,36, Shyǵys Qazaqstan oblysynda 93,29 tirkeldi. Atap aıtqanda, altyn belgige úmitker 3632 túlektiń 3573 testileýden ótip, 2529 óz bilimin dáleldep shyqty.
