Respýblıka boıynsha tıimdi onkologııalyq kómek kórsetý júıesin qurýdyń negizi qalanyp jatyr
ASTANA. 8 sáýir. QazAqparat - Elbasy N.Á.Nazarbaev «Áleýmettik-ekonomıkalyq jańǵyrtý - Qazaqstan damýynyń basty baǵyty» atty Qazaqstan halqyna arnaǵan bıylǵy Joldaýynda Úkimetke halyqqa kórsetiletin onkologııalyq kómektiń sapasyn jaqsartýǵa baǵyttalǵan baǵdarlama ázirleýdi tapsyrǵan bolatyn.
«Úkimetke eki aı merzim ishinde Qazaqstanda onkologııalyq qómek kórsetý sapasyn damytý jóninde Baǵdarlama ázirleýdi tapsyramyn. Sondaı-aq Astanada Ulttyq medıtsınalyq holdıng bazasynda Ulttyq ǵylymı onkologııalyq ortalyq ashý máselesin de sheshý kerek», - dedi Elbasy N.Á.Nazarbaev
Dúnıejúzilik densaýlyq saqtaý uıymynyń málimetterine súıensek, júrek qan-tamyrlary men onkologııalyq aýrý túrleri Eýropa óńirindegi ólim-jitim sanynyń 71 paıyzyn quraǵan. Dúnıejúzilik densaýlyq saqtaý uıymynyń boljamynsha, 2020 jylǵa deıin qaterli isikten kóz jumatyndar men qaterli isikke shaldyǵatyndar sany 1,5-2 esege kóbeıedi.
Qazirgi tańda QR Úkimeti Qazaqstandaǵy onkologııalyq qyzmetti damytý baǵdarlamasynyń jobasyn ázirledi, jobany QR Densaýlyq saqtaý mınıstrliginiń saıtynan kórip, talqylaýǵa bolady, dep habarlaıdy pm.kz saıty.
Bul baǵdarlama arqyly Qazaqstan Respýblıkasyndaǵy onkologııalyq qyzmetti damytý jumystarynyń negizgi baǵyttaryn anyqtaýǵa bolady. Ol baǵyttar qatarynda alǵashqy medıtsınalyq-sanıtarlyq kómek kórsetý baǵyttaryn jetildirý, onkologııalyq aýrýlardy emdeý men dıagnostıkalaýdyń joǵary tehnologııalyq ádisterin damytý, kadrlar biliktiligin nyǵaıtý, onkologııalyq qyzmet ınfraqurylymyn jetildirý men materıaldyq-tehnıkalyq bazany jaqsartý, sondaı-aq halyqpen keri baılanysty damytý baǵyttary bar.
Atap aıtsaq, 2012 jyldan bastap Shyǵys Qazaqstan oblysynda qaterli isik aýrýlaryn erterek anyqtaý boıynsha ilki jobany engizý baǵdarlamasynyń aıasy keńeıedi. Sondaı-aq 2013 jyldan bastap Qyzylorda oblysynda asqazandaǵy, búırektegi qaterli isikti erteden anyqtaý jóninde ilki joba iske qosylady. Sonymen qatar, skrınıngtik zertteýlerdi engizýge monıtorıng júrgiziledi.
Ulttyq ǵylymı onkologııa ortalyǵynyń qurylýy qaterli isik aýrýyn dıagnostıkalaý men emdeýge biregeı álemdik tehnologııalardy tartýǵa múmkindik beredik. Sondaı-aq ortalyqta ǵylymı-zertteý jumystary júrgizilip, biregeı tehnologııalar boıynsha radıkaldy emdeýler qolǵa alynady.
Osy jáne ózge de sharalar búkil respýblıka boıynsha tıimdi onkologııalyq kómek kórsetý júıesin qurýǵa múmkindik beredi.
