Respýblıka boıynsha sý basqan 39 úı bar
ASTANA. QazAqparat - Respýblıka aýmaǵynda áli de qyzyl sýdan arylmaǵan 39 turǵyn úı bar, dep habarlaıdy QR ІІM TJ komıtetiniń baspasóz qyzmeti.
Ótken táýlikte taǵy 35 úıden sý sorǵytyldy jáne aıdaldy. Sondaı-aq, Aqtóbe qalasyndaǵy barlyq 574 saıajaılyq úılerden sý aǵyzyldy.
Sý tasqynyna qarsy sharalarǵa bir táýlikte 1294 adam, 417 dana tehnıka, 23 sý sorǵytý jáne 27 júzý quraldary tartyldy.
Aqmola, Shyǵys Qazaqstan, Qaraǵandy, Qostanaı, Soltústik Qazaqstan jáne Jambyl oblystarynda halyqqa habar berý jáne evakýatsııalaý, sý sorǵytý jáne aǵyzý, qorǵanys úıindilerin tóseý jáne nyǵaıtý, bógetterdi nyǵaıtý, avtojoldar men jabyndardy qalpyna keltirý, sý deńgeıin baqylaý jáne baqylaý jumystary júrip jatyr.
Aqmola oblysynda qutqarýshylar Astrahan aýdany ıAgodnoe aýylynda jáne Atbasar aýdany Aşykól kentinde turǵyndardy tasymaldaý, dári-dármek pen azyq-túlik jetkizý boıynsha jumys istep jatyr.
Sý tasqyny kezeńi bastalǵaly qaýipti aýmaqtarda qosymsha 34608 metr ýaqytsha bóget salynyp, ınertti materıaly bar 199479 dana qapshyq qoıyldy, 1585792 sharshy metr qyzyl sý sorǵytyldy.
