Respýblıka boıynsha saılaýshylardyń 41,69 paıyzy óz tańdaýyn jasady

ASTANA. QazAqparat - Respýblıka boıynsha saılaýshylardyń 41,69 paıyzy daýys berdi. Bul týraly búgin QR Ortalyq saılaý komıssııasynda ótken brıfıngte QR OSK múshesi Tatıana Ohlopkova málim etti.

«Sizderge Ortalyq saılaý komıssııasynyń Qazaqstan Respýblıkasy Prezıdentin saılaýda saǵat 12.00-degi saılaýshylardyń daýys berýge kelýi týraly málimetti bermekpiz. Oblystardyń, Astana jáne Almaty qalalarynyń saılaý komıssııalarynyń usynǵan málimetterine sáıkes, 26 sáýirdegi saǵat 12.00-degi jaǵdaı boıynsha tizimge engizilgen saılaýshylardyń 41,69 paıyzy saılaý bıýlletenin aldy», - dedi komıssııa múshesi. T.Ohlopkovanyń atap ótýinshe, olardyń ishinde, Aqmola oblysy boıynsha - 51,01, Aqtóbe oblysy boıynsha - 36,11, Almaty oblysy boıynsha - 60,68, Atyraý oblysy boıynsha - 47,54, Shyǵys Qazaqstan oblysy boıynsha - 48,24, Jambyl oblysy boıynsha - 49,91, Batys Qazaqstan oblysy boıynsha - 40,66, Qaraǵandy oblysy boıynsha - 43,35, Qyzylorda oblysy boıynsha - 45,56, Qostanaı oblysy boıynsha - 56,57, Mańǵystaý oblysy boıynsha - 34,12, Pavlodar oblysy boıynsha - 42,63, Soltústik Qazaqstan oblysy boıynsha - 50,11, Ońtústik Qazaqstan oblysy boıynsha - 32,62, Astana qalasy boıynsha - 25,46, al Almaty qalasy boıynsha - 17,25 paıyzdy quraıdy. «Esterińizge sala keteıin, daýys berý 9741 saılaý ýchaskesinde júrip jatyr», - dedi ol.