Respýblıka boıynsha saılaý jaıynda aqparat beretin 757 bılbord ornatylady

ASTANA. QazAqparat - Respýblıka boıynsha saılaý jaıynda aqparat beretin 757 bılbord ornatylyp jatyr. Bul týraly búgin QR Ortalyq saılaý komıssııasynyń jumys keńesi barysynda komıssııa múshesi Lázzat Súleımen málim etti.

«Kórneki aqparat retinde 757 bılbordty ornalastyrý jóninde QR OSK tóraǵasynyń sheshimi shyqqan bolatyn. Onyń birinshi kezeńin Astana men Almaty, sonymen qatar oblys ortalyqtarynda ornalastyryp bolyp qaldyq. Ondaǵy aqparattar saılaýshylarǵa saılaýdyń qaı kúni ótetindiginen málimet beredi. Bul bılbordtardy «Saılaýda óz tańdaýyńdy jasa!» degen uranmen daıyndap otyrmyz. Jumystar jalǵasyn tabady», - dedi L.Súleımen.
Keńes barysynda OSK tóraǵasy Qýandyq Turǵanqulov L.Súleımennen atalǵan bılbordtardyń qashan tolyǵymen ilinip bitetinin surady.

«Bul baǵytta biz qazir jumys jasap jatyrmyz. Múmkindiginshe, 2-3 kúnniń ishinde respýblıka boıynsha tolyǵymen aıaqtaımyz», - dep jaýap berdi L.Súleımen.