Respýblıka boıynsha ótken táýlikte tórt adam sýǵa ketken
ASTANA. Maýsymnyń 10-y. QazAqparat - Respýblıkadaǵy ózender men sý qoımalarynda shomylý kezinde ótken táýlikte tórt adam sýǵa batyp ketken,
dep habarlaıdy Qazaqstannyń Tótenshe jaǵdaılar mınıstrliginiń baspasóz qyzmeti.
Sársenbi, maýsymnyń 9-y kúni tańǵy saǵat 09.00-de Esil ózeninde shomylyp júrgen 30 jastaǵy er adam sýǵa ketken. 1,5 saǵat ótken soń QR TJM sý-qutqarý qyzmetiniń kúshimen onyń denesi sýdan shyǵaryldy.
Sol kúni, eki saǵat ótken soń Qazaqstannyń soltústiginde, SQO Aqqaıyń aýdanyToqushyn aýyldyq okrýgindegi jasandy sý qoımasynda 50 jastaǵy er adam sýǵa batyp ólgen. Saǵat 13.15-de onyń denesin sýdan aýyl adamdary shyǵarǵan.
Saǵat keshki 17.00 shamasynda Qaraǵandy oblysy Abaı aýdany Volnyı aýdanynan 500 metr jerdegi sý qoımasynda 27 jastaǵy jigit batyp ketken. Bir saǵat ótken soń onyń denesin QR TJM sýdan qutqarý qyzmetkerleri alyp shyqqan.
Aqmola oblysy Tselınograd aýdany Maksımovka aýlyndaǵy Esil ózenine shomylyp júrgen 47 jastaǵy er adam batyp ketken. Onyń denesin QR TJM sýdan qutqarý qyzmetiniń qyzmetkerleri áli izdep jatyr.
