Respýblıka boıynsha medıtsına mamandarynyń arasynda eń tómengi jalaqy Aqtóbede - Eraly Toǵjanov
Elimizde alǵash ret densaýlyq saqtaý salasyndaǵy ózekti máselelerdi sheshý, kásipodaq rólin kúsheıtý baǵytynda forým ótti. Mamandyq bedelin jáne medıtsına qyzmetkerlerine degen turǵyndar senimin arttyrý máselesi talqylandy.
Forýmǵa QR Kásipdaqtar federatsııasynyń tóraǵasy Eraly Toǵjanov, oblys ákimi Ońdasyn Orazalın, QR Parlamenti Májilisiniń depýtaty Quralaı Qaraken, Densaýlyq saqtaý mınıstrliginiń jaýapty hatshysy Botakóz Jakselekova qatysty.
Elimizdiń ár óńirinen 1200-den astam adam shaqyrylǵan. Aqtóbe oblysynyń ákimi Ońdasyn Orazalınniń aıtýynsha, 2018 jyldan bastap óńirde «SENIM» densaýlyq saqtaý júıesi qyzmetkerleriniń kásipodaǵyna 60-qa jýyq bastaýysh uıym men 23 myńnan astam adam múshe boldy.
Aıta keteıik, 2019 jyldyń 9 aıynda respýblıka boıynsha óndiriste jazataıym oqıǵalardan 943 adam zardap shegip, 111 jumysshy qaza boldy. Aqtóbe oblysynda 68 adam zardap shegip, onyń 11-i qaza tapty. Kásipodaq densaýlyq saqtaý qyzmetkerleri úshin memlekettik kepilderdi kúsheıtý sharalaryn qoldaıdy. Medıtsına qyzmetkerleriniń jalaqy máselesi erekshe kóńil bólýdi qajet etedi.
«Qazaqstannyń densaýlyq saqtaýdy damytý respýblıkalyq ortalyǵynyń málimeti boıynsha respýblıkada eń tómengi jalaqy Aqtóbe oblysynyń dárigerlerine tıesili. Ortasha jalaqy mólsheri - 110, 2 myń teńge. Al eń joǵarysy – Nur-Sultanda. Elordalyq dárigerler 170, 5 myń teńge alady. Medıtsına qyzmetkerleriniń áleýmettik-ekonomıkalyq áleýetimen qatar, bilikti kadrlarmen qamtamasyz etý, salany memlekettik qarjylandyrý deńgeıi baǵyttaryndaǵy jumystar úzdiksiz jalǵasýy tıis», - dedi Eraly Toǵjanov.
«SENIM» densaýlyq saqtaý júıesi qyzmetkerleriniń salalyq kásipodaǵy bastaýysh kásipodaq uıymdarynyń І respýblıkalyq forýmyna qatysýshylar QR Úkimet músheleri men Parlamentke baǵyttalǵan qarar qabyldady.
Onda densaýlyq saqtaý júıesin damytýdyń ózekti máseleleri, sonyń ishinde medıtsına qyzmetkerleriniń jalaqysyn kóterý, saladaǵy qoǵamdyq baqylaý, densaýlyq saqtaý júıesi qyzmetkerlerine laıyqty áleýmettik-eńbek jaǵdaılaryn qamtamasyz etý qarastyrylǵan.
