Respýblıka boıynsha kóshi-qonnyń oń aıyrymy qalyptasty
ASTANA. 11 shilde. QazAqparat - 2013 jylǵy qańtar-mamyrda respýblıka boıynsha kóshi-qonnyń oń aıyrymy qalyptasty. Respýblıkaǵa kelgender sany ketkender sanynan 1600 adamǵa nemese 21,8 paıyzǵa artyq boldy. Bul týraly búgin Astanada ótken brıfıngte QR Statıstıka agenttiginiń tóraǵasy Álıhan Smaıylov málim etti.
- «Byltyrǵy sáıkes kezeńimen salystyrǵanda Qazaqstanǵa kelgender sany 34,8 paıyzǵa azaıyp, 8951 adamdy qurady. Al Qazaqstannan ketkender sany 22,9 paıyzǵa azaıyp, 7351 adamdy qamtydy. Elimizdegi negizgi kóshi-qon almasýy TMD memleketterimen oryn alýda», - dedi agenttik basshysy.
- TMD elderinen kelgenderdiń jáne sol elderge ketkenderdiń sany, tıisinshe, 7410 (82,8%) jáne 6868 (93,4%) adamdy qurady.
- El ishinde qonys aýdaratyn kóship-qonýshylar sany 22,2 paıyzǵa azaıdy jáne 106,1 myń adamdy qurady. Óńiraralyq qonys aýdarý boıynsha halyq kóshi-qonynyń oń aıyrymy elimizdiń 6 óńirinde baıqaldy: Astana (4179 adam) jáne Almaty (2137 adam) qalalarynda, Almaty (2348 adam), Mańǵystaý (787 adam), Atyraý (265 adam), sondaı-aq Pavlodar (176 adam) oblystarynda.
