Respýblıka boıynsha «Qaýipsiz qala» jedel-aldyn alý sharalary júrgizilip jatyr
ASTANA. Qazannyń 5-i. QazAparat - Qazannyń 4-i men 8- i aralyǵynda qoǵamdyq tártip pen qaýipsizdikti saqtaý maqsatymen respýblıka boıynsha «Qaýipsiz qala» jedel-aldyn alý sharalary júrgizilip jatyr, dep habarlaıdy Astana qalasy ishki ister departamentiniń baspasóz qyzmeti.
Osy maqsattardy júzege asyrý úshin adamdardy turyp jatqan jerleri boıynsha tekserý, turǵylyqty meken-jaılary joq adamdardy anyqtaý, qujatsyz turyp jatqan azamattardy jaýapkershilikke tartý jónindegi is-sharalar kesheni daıyndalǵan. Sonymen qatar, kámelettik jasqa tolmaǵan qańǵybas balalar men olardy qylmystyq is-áreketterge ıtermeleıtin tulǵalardy anyqtaıtyn jumystar qolǵa alynady.
Qylmyskerlerdi, iz-túzsiz joǵalǵandardy izdeý boıynsha jedel is-sharalar ótkiziledi. Jol polıtseıleri jol qozǵalysyna, mas kúıinde jáne sáıkes qujattarsyz kólik basqarǵan azamattardy anyqtaýǵa erekshe baqylaý qoıady. Kóńil kóterý oryndary men oqý oryndarynda esirtki paıdalaný, ony satý faktilerin anyqtaıtyn reıdik is-sharalar da uıymdastyrylady.
