Respýblıka boıynsha ınfektsııalyq tósek-orynmen qamtylý 41% quraıdy – Erlan Qııasov

NUR-SULTAN. QazAqparat – Respýblıka boıynsha ınfektsııalyq tósek-oryndarmen qamtylý 41 paıyzdy quraıdy. Bul týraly QR Densaýlyq saqtaý vıtse-mınıstri – Bas memlekettik sanıtar dáriger Erlan Qııasov aıtty, dep habarlaıdy QazAqparat tilshisi.

«Óńirler bólinisinde kúndelikti tósek-oryndarmen qamtý monıtorıngine sáıkes, osy jylǵy 21 sáýirdegi jaǵdaı boıynsha respýblıkada ınfektsııalyq tósek-oryndarmen qamtylý – 41 paıyzdy, reanımatsııalyq tósek-oryndarmen qamtylý 28 paıyzdy quraıdy», - dedi vıtse-mınıstr Ortalyq kommýnıkatsııalar qyzmetindegi baspasóz máslıhatynda.

Onyń atap ótýinshe, ınfektsııalyq tósek-oryndardyń eń kóp qamtylýy Batys Qazaqstan jáne Almaty oblystarynda - 58 paıyz jáne Almaty qalasynda 55 paıyz bolyp otyr.

«Reanımatsııalyq tósek-oryndardyń eń kóp qamtylýy Almaty qalasynda – 56 jáne Nur-Sultan qalasynda – 58 paıyz», - dedi Erlan Qııasov.