Respýblıka boıynsha eń kóp áıel Almatyda turady – Ulttyq statıstıka bıýrosy
Statbıýronyń málimetinshe, bıylǵy 1 aqpandaǵy málimet boıynsha elimizde 10 118 282 áıel turady. Onyń ishinde 6,3 mln qalada, 3,7 mln aýylda turady. Óńirler bólinisinde áıelderdiń sany boıynsha Almaty qalasy (1 157 823), Túrkistan (1 040 069) jáne Almaty oblystary (753 562) kósh bastap tur.
Qazaqstandyq qyz-kelinshekterdiń ortasha jasy 33,7-ti quraıdy. Bul kórsetkish 2022 jyldyń basymen salystyrǵanda 2,6 jylǵa ulǵaıǵan. Áıelderdiń ómir súrý uzaqtyǵy karantın bolǵan 2020-2021 jyldardan keıin qaıtadan ósip, 78,3 jasty qurady.
Eńbek naryǵynda 4 302,6 myń áıel jumyspen qamtylǵan. Olardyń basym kópshiligi bilim berý salasynda eńbektenedi – 851 myń, 828 myńy kóterme nemese bólshek saýdamen aınalysady, 451 myńy aýyl, orman jáne balyq sharýashylyǵy salasynda. 401 myń áıel densaýlyq saqtaý jáne halyqqa áleýmettik qyzmet kórsetý salasynda, taǵy 328 myńy ónerkásip sektorynda jumys isteıdi. Tek 74 myń áıel óner, oıyn-saýyq jáne demalys salasynda jumys isteıdi.
Aıta keteıik, 849 myń áıel - jeke kásipkerlik sýbektileriniń basshysy, bul tirkelgen JK-niń jalpy sanynyń 53,5% quraıdy»,- dep habarlady Ulttyq statbıýroda.
