Respýblıka boıynsha birneshe baǵyttaǵy joldar jabyldy - QR TJM
ASTANA. 10 qańtar. QazAqparat - El óńirlerinde aýa raıynyń kúrt buzylýyna baılanysty keıbir baǵyttaǵy avtokólik joldary jabyldy.
Bul týraly QR TJM baspasóz qyzmetinen habarlady.
Astanada burqasyn boran soǵýyna baılanysty búgin túngi eki jarymnan bastap «Astana-Qostanaı» baǵyty boıynsha avtokólikterdiń barlyq túrine qozǵalys toqtatyldy.
Aqmola oblysy boıynsha «Jaqsy-Derjavınsk» 34-140 shaqyrym, «Qıma-Atbasar» 0-80 shaqyrym, «Kókshetaý-Atbasar» 100-184 shaqyrym baǵyttary boıynsha joldar jabyldy.
Qostanaı oblysynda da aýa raıynyń buzylýyna baılanysty 9 qańtar 16:30-dan beri barlyq avtokólikter úshin «Qostanaı-Áýlıekól -Surǵan» baǵyty boıynsha jol jabyq.
