Respýblıka boıynsha belgilengen kvota 941 myń tonna astyqty quraıdy - S.Qulambaev
ASTANA. Jeltoqsannyń 25-i. QazAqparat /Marlan Jıembaı/ - Búgin elordada «Azyq-túlik kelisimshart korporatsııasy» Ulttyq bank bólgen zaımge astyq satyp alý máselesin talqyǵa salǵan jıyn ótkizdi,
dep habarlaıdy QazAqparat.
Atalǵan korporatsııa tóraǵasynyń orynbasary Serik Qulambaevtyń aıtýynsha, satyp alynatyn astyqtyń kólemi ár oblysqa bólinip, egistik alqaptaryna sáıkes kvota belgilengen. Astyq satyp alý úrdisi oblys ákimderiniń aýyl sharýashylyǵyna jaýapty orynbasarlary basshylyq jasaıtyn jumys tobynyń sheshimimen júzege asady. Al Ulttyq bank bólip otyrǵan tólemge qajetti 18 mıllıard teńge qarajat eseptik shotta tur.
«Osyǵan oraı satyp alynǵan astyqqa esep aıyrysý kúnbe-kún júrgiziledi», dedi S.Qulambaev.
Onyń sózine qaraǵanda, respýblıka boıynsha belgilengen kvota 941 myń tonna astyqty qurasa, búgingi kúni oblystyq jumys toptary sonyń 765 myń tonnasyn ǵana bekitken. ıAǵnı 180 myń tonna astyqty satýǵa ótinish áli kúnge deıin joq.
«Osyǵan oraı korporatsııanyń óńirlerdegi ókilderi jumys toby bergen kvota nelikten oryndalmaı jatqandyǵyn, sonymen qatar joǵaryda atalyp ótken kvotaǵa sharýashylyqtardyń ótinishteriniń keshiktirilý sebebin anyqtaýyn ótinemin», dedi tóraǵa orynbasary.
