Respýblıka boıynsha barlyq joldar ashyq
ASTANA. 10 qańtar. QazAqparat - Aqmola jáne Qostanaı oblystaryndaǵy barlyq joldarda kólik qozǵalysy jandandy. Bul týraly búgin «Qazaqavtojol» RMK baspasóz qyzmetinen habarlady.
Aıta keteıik, keshe keshqurym qatty boranǵa baılanysty atalǵan eki oblystyń aýmaǵyndaǵy birqatar respýblıkalyq joldarda kólik qozǵalysy shektelgen bolatyn. «Qazirgi ýaqytta «Qazaqavtojol» RMK fılıaldarynyń arnaıy tehnıkalary bul joldardy tazalaý jumystaryn jalǵastyrýda. Jalpy respýblıka boıynsha búginde 300-den astam tehnıka joldarǵa kezekshilikke shyǵaryldy», - delingen taratylǵan málimette.
