Respýblıka boıynsha 700 keli esirtki, onyń ishinde 6,5 kelige jýyq geroın tárkilendi
ASTANA. Mamyrdyń 26-sy. QazAqparat /Marlan Jıembaı/ - Ótken apta ishinde respýblıka boıynsha 700 keli esirtki, onyń ishinde 6,5 kelige jýyq geroın tárkilendi. Bul týraly búgin QR Іshki ister mınıstrliginiń Til saıasaty jáne aqparat departamentiniń bastyǵy Qýanyshbek Jumanov málim etti.
Esirtki zatyn tasymaldaý, satý, óndirý, ótkizý boıynsha birneshe oqıǵanyń tirkelgenin atap ótken onyń sózine qarǵanda, QR ІІM Esirtki bıznesimen kúres komıtetiniń qyzmetkerleri Qaraǵandy oblysyna qarasty Temirtaý qalasynan 1 keli 200 gramm geroın tárkilegen.
«Júrgizilgen arnaıy operatsııasynyń nátıjesinde osy óńirde «aýyr» esirtki zattaryn satý jelisin jolǵa qoıǵan iri esirtki dılleri ustaldy. Jedel shara bir aıdan astam ýaqytqa sozylyp, qylmystyq baılanystar anyqtaldy», dedi ol.
Sondaı-aq Qaraǵandy oblysynyń ishki ister qyzmetkerleri «Temirtaý-Qaraǵandy» avtojolynyń boıynan «Toıota» kóligin toqtatqan. Atalǵan kóliktiń júrgizýshisi, 46 jastaǵy qaraǵandylyq azamattyń jeke zattaryn tekserý barysynda birneshe gramm geroın tárkilengen. Al kólikti jiti tekserý barysynda jolaýshy otyratyn oryndyq astyna jasyrylǵan 2 keliden astam esirtki tabylǵan. Qazirgi ýaqytta geroınniń satýǵa arnalǵandyǵy belgili bolyp otyr. Sonymen qatar ustalǵan azamattyń páterin tintý barysynda «Nagan» revolveri men 20-ǵa jýyq oǵy tabylǵan. Sol kúni Temirtaý qalasynda atalǵan azamattyń sybaılasy da ustalyp, odan da 170 gramm geroın tárkilengen.
«Іri kólemdi esirtki zatyn satý maqsatynda saqtaý, tasymaldaý jáne qarý saqtaý faktileri boıynsha qylmystyq is qozǵaldy», dedi Q.Jumanov.
