Respýblıka boıynsha 4 763 ruqsat etilmegen qoqys úıindisi anyqtaldy
Statıstıkany eskersek bul problemany sheshý barlyq múddeli uıymdardy, onyń ishinde qoǵamdy tarta otyryp, túbegeıli sharalardy qoldanýdy talap etedi. Buǵan deıin Memleket basshysy QR Úkimetiniń sońǵy keńeıtilgen otyrysynda osyndaı tapsyrma bergen bolatyn jáne ony oryndaý sheńberinde Ekologııalyq retteý jáne baqylaý komıtetimen Orman sharýashylyǵy jáne janýarlar dúnıesi komıtetiniń, sondaı-aq Aqparat jáne qoǵamdyq damý mınıstrliginiń qatysýymen ruqsat etilmegen qoqys úıindilerin anyqtaý jáne olardyń paıda bolýynyń aldyn-alý boıynsha aýqymdy is-shara uıymdastyryldy.
Birinshi reıd bıyl 24 maýsymda bastaldy jáne ony bir mezgilde bes iri óńir: Qaraǵandy, Pavlodar, Almaty, Aqmola jáne Shyǵys Qazaqstan oblystary ótkizdi.
Rekreatsııalyq aımaqtarǵa ekologııa departamentteriniń, ákimdikterdiń, jergilikti polıtsııa qyzmetiniń ókilderi jáne 30-dan astam ekovolonterler shyqty.
Bir kúndik jumys nátıjesinde 20 zańsyz qoqys orny anyqtaldy, olardyń 13-i sol kúni joıyldy. Sonymen qatar, 6 eskertý berilip, 10 AEK kóleminde ákimshilik aıyppul salyndy.
Esterińizge sala keteıik, bul reıdtik is-sharalardyń bastamasy ǵana. Apatty úıindilerin joıý kestesi aǵymdaǵy jyldyń qyrkúıek aıynyń sońyna deıin barlyq óńirlerge merzimdi saparlardy qarastyrady. Keıingi reıdterdiń nátıjeleri qosymsha jarııalanatyn bolady.
