Respýblıka boıynsha 20,2 mln. tonna astyq bastyryldy - Aýyl sharýashylyǵy mınıstri
ASTANA. 27 qyrkúıek. QazAqparat /Marlan Jıembaı/ - Respýblıka boıynsha 20,2 mln. tonna astyq bastyryldy. Bul týraly búgin Úkimettiń selektorlyq formattaǵy otyrysynda QR Aýyl sharýashylyǵy mınıstri Asyljan Mamytbekov málim etti.
Onyń atap ótýinshe, aǵymdaǵy jyly 16,2 mln. gektar dándi daqyldar jınalady. Oblystyq ákimdikterdiń, aýyl sharýashylyǵy departamenteriniń málimetterine qaraǵanda, qazirgi tańda respýblıka boıynsha 12,8 mln. gektar alqaptyń astyǵy jınalǵan.
«Ortasha shyǵymdylyǵy gektaryna 15,8 tsentnerdi qurap, 20,2 mln. tonna astyq bastyryldy. Bul 2010 jylǵy deńgeıden gektaryna 7,1 tsentnerge artyq»,-dedi mınıstr.
Onyń atap ótýinshe, Jambyl jáne Ońtústik Qazaqstan oblystarynda jıyn-terin tolyǵymen aıaqtalǵan. Al Shyǵys Qazaqstan, Pavlodar, Batys Qazaqstan oblystarynda astyq bastyrý naýqany aıaqtalýǵa jaqyn. «Jıyn-terin jumystaryn júrgizýdi uıymdastyrý úshin aýyl sharýashylǵy taýarlaryn óndirýshilerdi qarjylandyrý bıýdjet qarajaty, sondaı-aq «QazAgro» ulttyq holdıngi qarjy ınstıtýttarynyń qarjysy esebinen der ýaqytynda qamtamasyz etildi»,-dedi A. Mamytbekov.
