Respýblıka boıynsha 2 myń 627 balyq qorǵaý zańnamasyn buzý faktisi anyqtaldy

Bul týraly búgin Aýyl sharýashylyǵy mınıstrliginde ótken baspasóz máslıhatynda belgili boldy, dep habarlaıdy QazAqparat.

Jyl saıynǵy respýblıkanyń balyq sharýashylyǵy sý aıdyndarynda ýyldyryq shashý kezinde brakonerlikke, bekire tuqymdas jáne basqa balyq ónimin kontrabandalyq tasymaldaýyn toqtatýǵa baǵyttalǵan «Bekire-2010» jáne «Ýyldyryq-2010» keń aýqymdy balyq qorǵaý aktsııasy júrgiziledi.

Aýyl sharýashylyǵy mınıstrliginiń Balyq sharýashylyǵy komıteti tabıǵat qorǵaý jáne quqyq qorǵaý organdarynyń aýmaqtyq bólimshelerimen, atap aıtqanda QR Іshki ister, Qorshaǵan ortany qorǵaý, Qarjy, Kólik jáne kommýnıkatsııa mınıstrlikterimen, QR UQK Shekara qyzmetimen, QR Bas prokýratýrasymen, sondaı-aq Ekonomıkalyq jáne sybaılas jemqorlyqqa qarsy kúres agenttigimen (Qarjy polıtsııasy) birlesip, joǵaryda atalǵan aktsııaǵa qatysýshy organdar aýmaqtyq bólimsheleriniń áreketin úılestirý boıynsha sharalar keshenin ázirledi. Tabıǵat qorǵaý zańnamasynyń buzýshylyqtarymen kúresý jáne ósimdik pen janýarlar dúnıesiniń bıologııalyq alýan túrliligin saqtaý boıynsha birlesken is-sharalar josparyn bekitti. Atalǵan josparǵa sáıkes Komıtettiń aýmaqtyq bólimsheleri brakonerlik yqtımal jerlerde birlesken áreket josparyn, tıisti kúshter men tehnıkalyq quraldar ornalasqan kartany bekitti.

Balyq qorǵaý sharalary barysynda respýblıka boıynsha jalpy 2627 balyq qorǵaý zańnamasyn buzýshylyq anyqtaldy. Qazirgi tańda keń aýqymdy shara jalǵasýda. Toqtala ketetin jaıt, Oral-Kaspıı óńirinde júrgizilip jatqan «Bekire-2010» sharasy maýsym aıynyń sońyna deıin jalǵasady. Al Qazaqstannyń barlyq óńirlerinde júzege asyp jatqan «Ýyldyryq-2010» aktsııasy shilde aıynyń ortasyna deıin júrgiziledi.