Respýblıka boıynsha 1845 qylmys jasalsa, onyń 1454-iniń izi sýymaı ashyldy
ASTANA. Mamyrdyń 26-sy. QazAqparat /Marlan Jıembaı/ - Ótken apta ishinde respýblıka boıynsha 1845 qylmys jasalsa, onyń 1454-iniń izi sýymaı ashyldy. Sonymen qatar buryn jasalǵan 455 qylmys áshkerelenip, 71 kúdikti ustaldy jáne 10 qarý tárkilendi.
Bul týraly búgin QR Іshki ister mınıstrliginiń Til saıasaty jáne aqparat departamentiniń bastyǵy Qýanyshbek Jumanov málim etti.
Onyń aıtýynsha, taıaýda Almaty qalasyndaǵy Soltústik sheńber kóshesi boıyndaǵy jerasty ótpeli jolynda 3 belgisiz azamat ońtústik astanadaǵy fırmalardyń biriniń 38 jastaǵy kúzetshisine kúsh qoldanyp, mekemege tıesili 50 myń AQSh dollar salynǵan sómkesin tartyp alǵan.
«Jedel izdestirý is-sharalary barysynda 22 jastaǵy qala turǵyny quryqtaldy. Odan urlanǵan aqshaǵa satyp alynǵan «Mersedes» kóligi tárkilendi. Qazirgi ýaqytta osy qylmysqa qatystylardy tutqyndaý sharalary qabyldanýda», dedi ol.
