Respýblıka boıynsha jel kúsheıip, tuman túsedi - Qazgıdromet
ASTANA. KAZINFORM – «Qazgıdromet» RMK-sy elimizdiń óńirlerinde 12 qyrkúıek kúni bolatyn aýa raıy boljamyn jarııalady.
Kásiporyn taratqan derekterge qaraǵanda, baıaý jyljıtyn antıtsıklon áserinen Qazaqstannyń basym bóliginde kún negizinen jaýyn-shashynsyz bolady. Tek elimizdiń shyǵysynda frontaldy bólikter áserinen jańbyr jaýatyn bolady. Respýbıka boıynsha jel kúsheıip, eldiń batysy men ońtústiginde shańdy daýyl turady, soltústiginde, ortalyǵynda, ońtústik-shyǵysynda túngi jáne tańǵy saǵattarda tuman túsedi.
Ulytaý oblysynda, Jetisý oblysynyń batysynda, Batys Qazaqstan oblysynyń soltústiginde, soltústik-shyǵysynda, Qyzylorda oblysynyń soltústik-shyǵysynda, Almaty oblysynyń batysynda, soltústiginde, Jambyl oblysynyń ońtústik-batysynda, ońtústik-shyǵysynda, Qaraǵandy oblysynyń batysynda, shyǵysynda, ortalyǵynda, Shyǵys Qazaqstan oblysynyń batysynda, Qostanaı oblysynyń ońtústiginde joǵary órt qaýpi saqtalady, Aqtóbe oblysynda joǵary órt qaýipi kútiledi.
Qyzylorda, Túrkistan, Jambyl, Atyraý, Mańǵystaý, Batys Qazaqstan oblystarynda, Qaraǵandy oblysynyń shyǵysynda, Almaty oblysynyń ortalyǵynda, Ulytaý oblysynyń soltústiginde, ońtústiginde, Abaı oblysynyń batysynda, soltústik-batysynda, ońtústiginde, Jetisý oblysynyń soltústiginde tótenshe órt qaýpi saqtalady, Aqtóbe oblysynyń ońtústiginde tótenshe órt qaýipi kútiledi.
