Respýblıka boıynsha jel kúsheıip, taýly aımaqtarda tuman túsedi

ASTANA. KAZINFORM – Sınoptıkter el aýmaǵynda bolatyn qaýipti meteorologııalyq qubylystarǵa jasaǵan boljaý konsýltatsııasyn jarııalady, dep habarlaıdy Kazinform «Qazgıdrometke» silteme jasap.

Sınoptıkterdiń habarlaýynsha, atmosferalyq frontaldy bólimder Qazaqstannyń batysynda, soltústik-batysynda, shyǵysynda jáne ońtústik-shyǵysynda jańbyr men qar túrindegi jaýyn-shashyndy týdyrady.

Al eldiń qalǵan bóliginde antıtsıklon jaýyn-shashynsyz aýa-raıyn saqtaıdy. Respýblıka boıynsha jeldiń kúsheıýi, soltústiginde, ońtústik-shyǵysynda taýly aımaqtarynda tuman kútiledi.

«Túnde Qyzylorda oblysynda 1-6 gradýs úsik, Almaty oblysynyń soltústiginde 1 gradýs úsik kútiledi. Mańǵystaý oblysynda, Atyraý oblysynyń soltústik-shyǵysynda, ońtústik-shyǵysynda, Aqtóbe oblysynyń ońtústiginde, shyǵysynda Aqtóbe, Jambyl oblysynyń ortalyǵynda, Qyzylorda oblysynyń soltústiginde, ortalyǵynda, Almaty oblysynyń batysynda, Qostanaı, Aqmola oblystarynyń ońtústik-batysynda, Ulytaý oblysynyń shyǵysynda, ortalyǵynda, Abaı oblysynyń ońtústiginde joǵary órt qaýpi kútiledi», delingen «Qazgıdromet» RMK-nyń resmı aqparatynda.

Sondaı-aq «Qazgıdromet» mamandary Qyzylorda, Túrkistan oblystarynda, Atyraý oblysynyń soltústiginde, ońtústiginde, shyǵysynda, Jambyl oblysynyń batysynda, soltústiginde, Aqtóbe oblysynyń batysynda, soltústik-shyǵysynda, ortalyǵynda, Almaty oblysynyń soltústiginde, Qostanaı, Batys Qazaqstan, Ulytaý oblystarynyń ońtústiginde tótenshe órt qaýpi kútiletinin boljap otyr.

Eske sala ketsek, búgin, ıaǵnı 19 qazanda elimizdiń 3 qalasynda aýa sapasy tómendeıtinin jazǵanbyz. 

Sonymen qatar sınoptıkter búgin keı óńirlerde tuman túsip, úsik júretinin eskertti.