Respýblıka boıynsha jel kúsheıip, 6 óńirde kún qatty ysıdy - Qazgıdromet

ASTANA. KAZINFORM – «Qazgıdromet» RMK-sy maýsymnyń 22-si kúngi kún raıy boljamyn jarııalady.

Kásiporynnyń boljamyna qaraǵanda, búgin elimizdiń basym bóliginde kún áli de qubylyp turady, atmosferalyq aǵyndardyń ótýine oraı jańbyr jaýyp, naızaǵaı oınaıdy, kúndiz eldiń batysynda, ońtústik-shyǵysyndaǵy taýly aýdandarda nóser jańbyr jaýady, batysta, soltústikte burshaq jaýady, sondaı-aq respýblıka boıynsha jel kúsheıedi dep kútilýde. Tek shyǵysta, ortalyqta kún jaýyn-shashynsyz bolady.

Kúndiz Abaı, Jetisý, Qyzylorda oblystarynda, Aqtóbe oblysynyń ońtústiginde, shyǵysynda, Túrkistan oblysynyń ońtústiginde, shóldi aýdandarynda, Ulytaý oblysynyń batysynda, ortalyǵynda qatty ystyq bolady.

Aqtóbe, Almaty oblystarynda, Ulytaý oblysynyń soltústiginde, shyǵysynda, Abaı oblysynyń soltústiginde, Qaraǵandy oblysynyń batysynda, ortalyǵynda, Batys Qazaqstan oblysynyń soltústiginde, ortalyǵynda, Aqmola oblysynyń batysynda, ońtústiginde, Shyǵys Qazaqstan oblysynyń ońtústiginde, Qyzylorda oblysynyń soltústik-shyǵysynda, Mańǵystaý oblysynyń batysynda, soltústik-shyǵysynda, Jetisý oblysynyń soltústiginde, shyǵysynda joǵary órt qaýpi saqtalady. Pavlodar oblysynyń shyǵysynda joǵary órt qaýpi saqtalady.

Atyraý, Túrkistan, Jambyl, Qyzylorda, Almaty, Ulytaý oblystarynda, Batys Qazaqstan oblysynyń ońtústik-batysynda, ońtústiginde, Aqtóbe oblysynyń batysynda, ońtústiginde, Qostanaı, Qaraǵandy, Abaı oblystarynyń ońtústiginde, Jetisý oblysynyń shyǵysynda, Mańǵystaý oblysynyń soltústiginde, ońtústik-shyǵysynda, ortalyǵynda tótenshe órt qaýpi saqtalady.