Respýblıka boıynsha jańbyr jaýyp, jel kúsheıedi
ASTANA. KAZINFORM — «Qazgıdromet» RMK Qazaqstan aımaqtarynda 2025 jylǵy 13 maýsymda bolatyn qaýipti meteorologııalyq qubylystarǵa boljamy jarııalandy.
Respýblıkamyzdyń basym bóligindegi aýa raıyna ońtústik tsıklon jáne onymen baılanysqan atmosferalyq fronttar yqpalyn tıgizedi.
— Jańbyr jaýyp, naızaǵaı bolady. Kúndiz elimizdiń soltústiginde qatty jańbyr jaýady, soltústik-batysynda, soltústiginde, ortalyǵynda burshaq, túnde jáne tańerteń tuman bolady. Respýblıka boıynsha jel kúsheıedi. Tek elimizdiń shyǵysynda antıtsıklonnyń áserinen jaýyn-shashynsyz, ashyq aýa raıy saqtalady, — delingen habarlamada.
Sondaı-aq sınoptıkter órt qaýpi joǵary óńirlerdi atady.
— Almaty, Qaraǵandy oblystarynda, Ulytaý, Jetisý, Abaı oblystarynda, Batys Qazaqstan oblysynyń shyǵysynda, ortalyǵynda, Pavlodar oblysynyń batysynda, ońtústiginde, Aqtóbe oblysynyń ortalyǵynda, Jambyl oblysynyń shyǵysynda, Mańǵystaý oblysynyń soltústik-batysynda, ońtústik-shyǵysynda, ortalyǵynda, Aqmola oblysynyń ońtústiginde, Soltústik Qazaqstan oblysynyń batysynda, soltústiginde, Qostanaı oblysynyń soltústik-batysynda, ońtústik-shyǵysynda, Shyǵys Qazaqstan oblysynyń ortalyǵynda, ońtústik jartysynda joǵary órt qaýpi kútiledi, — delingen aýa raıy boljamynda.
Qyzylorda, Jambyl, Túrkistan oblystarynda, Atyraý oblysynyń soltústik-batysynda, shyǵysynda, ortalyǵynda, Aqtóbe oblysynyń batysynda, soltústiginde, ońtústiginde, ońtústik-shyǵysynda, Almaty oblysynyń batysynda, soltústiginde, Mańǵystaý oblysynyń soltústiginde, shyǵysynda, Qostanaı jáne Ulytaý oblystarynyń ońtústiginde, Qaraǵandy oblysynyń batysynda, Abaı oblysynyń ońtústiginde, ońtústik-batysynda, ońtústiginde, Jetisý oblysynyń soltústiginde, shyǵysynda Batys Qazaqstan oblysynyń soltústiginde, ońtústiginde tótenshe órt qaýpi kútiledi.
Mamandar atap ótkendeı, kúndiz Jetisý, Abaı, Batys Qazaqstan, Atyraý oblystarynda, Abaı oblysynyń ońtústiginde qatty ystyq saqtalady. Mańǵystaý, Aqtóbe, Shyǵys Qazaqstan, Jambyl oblystarynda 35-38 gradýs qatty ystyq kútiledi.
Buǵan deıin sınoptıkter maýsym aıynda kún raıy qandaı bolatynyn aıtqan edi.